اتىراۋ وبلىسىنداعى سۇيىندىك اۋىلىنىڭ ماڭىندا مالشى زىمىران سناريادىن تاۋىپ الدى. بۇل تۋرالى جۋرناليست دياس نۇراقىن Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“اتىراۋدىڭ دالاسىنا زىمىران قۇلاپتى. وقتۇمسىق سۇيىندىك اۋىلىنىڭ تۇسىنا تۇسكەن. ونى مال باعىپ جۇرگەن قويشى تاۋىپ الىپتى. ەكى شاقىرىم قيىس كەتكەندە ءبۇتىن ءبىر اۋىلدى جارىپ جىبەرگەندەي ەكەن. بىراق بۇل راكەتانىڭ قايدان ۇشقانى، كىمگە باعىتتالعانى بەلگىسىز. اسكەري پوليگون ەمەس جايىلىم جەرگە قۇلاعانى دا قورقىنىشتى ەكەن. ءبىر انىعى سۇيىندىك اۋىلى رەسەيمەن شەكارالاس جاتىر. سوندىقتان زىمىران تەرىسكەيدەگى كورشىلەر جاقتان كەلدى دەگەن بولجام بار. بىراق ونىڭ اق-قاراسىن قر قورعانىس مينيسترلىگى ايتپاي وتىر”، دەپ جازدى ول.ۇقساس جاڭالىقتار
