اتىراۋ وبلىسى تجد جەدەل ارەكەت ەتۋ ورتالىعىنىڭ مالىمەتىنشە، قۇزىرلى ورگان قىزمەتكەرلەرى اتالعان فاكتىنى اەك-كە تىركەگەن.
"ەسكى سارايشىقتا ارحەولوگيالىق قازبا جۇمىستارى كەزىندە ادام سۇيەكتەرىنىڭ تابىلۋى جاڭالىق ەمەس. ورتاعاسىرلىق سارايشىقتا ۇلكەن قورىم بار ەكەنى بەلگىلى. ارحەولوگيالىق زەرتتەۋلەر كەزىندە، ءتۇرلى جۇمىستار بارىسىندا، ءتىپتى ەسكى سارايشىق اۋىلىندا دا ادام سۇيەكتەرى تابىلعان. سۇيەكتەر ءجيى كەزدەسەدى. قازىر سۋ تاسقىنىنا قارسى اۋقىمدى جۇمىستار جۇرگىزىلۋدە، جايىق جاعاسىنا مىڭداعان ادام بوگەت سالىپ جاتىر، بۇل جۇمىس بارىسىندا ادام سۇيەكتەرىنىڭ تابىلۋى عاجاپ ەمەس. ادەتتە، مۇنداي اقپاراتتى العان ماماندار ءتيىستى جۇمىستاردى جۇرگىزىپ، قالدىقتاردى زەرتتەپ، ءداستۇر بويىنشا جەرلەيدى", - دەيدى سارايشىق قورىق-مۇراجايىنىڭ ديرەكتورى مۇحتار ابىلسەيىت.
ەسكە سالا كەتەيىك، اتىراۋ وبلىسىندا تابيعي توتەنشە جاعداي جاريالاندى.
