Atyraý oblysy TJD jedel áreket etý ortalyǵynyń málimetinshe, quzyrly organ qyzmetkerleri atalǵan faktini AEK-ke tirkegen.
"Eski Saraıshyqta arheologııalyq qazba jumystary kezinde adam súıekteriniń tabylýy jańalyq emes. Ortaǵasyrlyq Saraıshyqta úlken qorym bar ekeni belgili. Arheologııalyq zertteýler kezinde, túrli jumystar barysynda, tipti eski Saraıshyq aýylynda da adam súıekteri tabylǵan. Súıekter jıi kezdesedi. Qazir sý tasqynyna qarsy aýqymdy jumystar júrgizilýde, Jaıyq jaǵasyna myńdaǵan adam bóget salyp jatyr, bul jumys barysynda adam súıekteriniń tabylýy ǵajap emes. Ádette, mundaı aqparatty alǵan mamandar tıisti jumystardy júrgizip, qaldyqtardy zerttep, dástúr boıynsha jerleıdi", - deıdi Saraıshyq qoryq-murajaıynyń dırektory Muhtar Ábilseıit.
Eske sala keteıik, Atyraý oblysynda tabıǵı tótenshe jaǵdaı jarııalandy.
