حالىقارالىق ىزدەۋدە جۇرگەن. الاياقتىق بويىنشا سوتتالىپ قاشقان ادام ۇستالدى

الاياقتىق ءۇشىن سوتتالۋشى ۋكراينادان قازاقستانعا ەكستراديتسيالاندى، - دەپ حابارلايدى "ادىرنا" ءتىلشىسى قر باس پروكۋراتۋراسىنىڭ رەسمي وكىلى دارحان دۇيسەمبايعا سىلتەمە جاساپ. ۋكراينانىڭ ادىلەت مينيسترلىگى قازاقستاندىق سوتتىڭ ۇكىمىن ورىنداۋدان جالتارعان ازامات م.-نى قازاقستانعا ەكستراديتسيالاۋ تۋرالى شەشىم قابىلدادى. «سوت 2017 جىلى بۇل ازاماتتى اسا ءىرى كولەمدە الاياقتىق جاساعانى ءۇشىن كىنالى دەپ تانىپ، شارتتى تۇردە باس بوستاندىعىنان ايىردى. 2019 جىلى جازاسىن وتەۋدەن جالتارۋ ماقساتىندا ازامات م.، وعان سوت بەلگىلەگەن شەكتەۋلەردى بۇزىپ، ءىز-ءتۇسسىز جوعالىپ، ىزدەۋ جاريالاندى»، — دەلىنگەن باس پروكۋراتۋرانىڭ رەسمي وكىلىنىڭ حابارلاماسىندا. رەسمي مالىمەت بويىنشا، اعىمداعى جىلدىڭ تامىز ايىندا ىزدەۋدە جۇرگەن ازاماتتى ۋكراينا اۋماعىندا سول ەلدىڭ قۇقىق قورعاۋ ورگاندارى ۇستاعان. «قازاقستان رەسپۋبليكاسىنىڭ باس پروكۋراتۋراسى جانە ينتەرپول قىزمەتكەرلەرى قازاقستان رەسپۋبليكاسىنىڭ ۋكرايناداعى، مولدوۆاداعى جانە تۇركياداعى ەلشىلىكتەرىنىڭ كومەگىمەن ازامات م.-نى ەلىمىزگە ەكستراديتسيالاۋ جۇرگىزىلدى، قازىرگى ۋاقىتتا ول ۋاقىتشا ۇستاۋ يزولياتورىنا قامالدى»، - دەلىنگەن قر باس پروكۋراتۋراسىنىڭ رەسمي وكىلىنىڭ حابارلاماسىندا. بۇعان دەيىن 9 جىل بويى حالىقارالىق ىزدەۋدە بولعان قازاقستان ازاماتى تۇركيادان ەكستراديتسيالانعان بولاتىن. ول قۇرىلىس كومپانيالارىنان 1 ميلليارد تەڭگەگە جۋىق قاراجاتتى، ونىڭ ىشىندە اۋرۋحانا قۇرىلىسىنا ارنالعان قاراجاتتى ۇرلادى دەگەن كۇدىككە ىلىنگەن.