ونەر الەمىندە بىرنەشە جىل بويى كورەرمەننىڭ كوزايىمىنا اينالعان قازاقستاننىڭ حالىق ءارتىسى، اكتەر تۇڭعىشباي جامانقۇلوۆ تاعى ءبىر ماراپاتقا يە بولدى، دەپ حابارلايدى "ادىرنا" ءتىلشىسى.
اكتەر، رەجيسسەر، پروفەسسور، تاۋەلسىز قازاقستاننىڭ العاشقى حالىق ارتىستەرىنىڭ ءبىرى تۇڭعىشباي جامانقۇلوۆ تاشكەنت قالاسىندا ماراپاتقا يە بولدى. ونەر الەمىنىڭ مايتالمانى تەك قازاقستاندا ەمەس، "تۇركى دۇنيەسىنە قوسقان ەرەن ەڭبەگى ءۇشىن" جوعارى ماراپاتىنا يە بولدى. اتالمىش ماراپاتتى تۇركسوي ۇيىمىنىڭ توراعاسى ارنايى تابىستاعان.
بۇل تۋرالى جۋرناليست ۇكىلاي بەستاي Facebook پاراقشاسىندا ءبولىستى:
ء"سۇيىنشى! تاشكەنتتە ءوتىپ جاتقان كينوفەستيۆالدە پروفەسسور-ۇستازىمىز، قازاقستاننىڭ حالىق ءارتيسى - تۇڭعىشباي جامانقۇلوۆ “تۇركى دۇنيەسىنە قوسقان ەرەن ەڭبەگى ءۇشىن” جوعارى ماراپاتىن الدى. قۇتتى بولسىن، اعايىن! قازاق ەلىنىڭ اتى شىعا بەرسىن، ەلدىڭ مەرەيى وسە بەرسىن!", - دەپ جاقسى جاڭالىقپەن ءبولىستى.
