Óner áleminde birneshe jyl boıy kórermenniń kózaıymyna aınalǵan Qazaqstannyń halyq ártisi, akter Tuńǵyshbaı Jamanqulov taǵy bir marapatqa ıe boldy, dep habarlaıdy "Adyrna" tilshisi.
Akter, rejısser, professor, táýelsiz Qazaqstannyń alǵashqy halyq ártisteriniń biri Tuńǵyshbaı Jamanqulov Tashkent qalasynda marapatqa ıe boldy. Óner áleminiń maıtalmany tek Qazaqstanda emes, "Túrki dúnıesine qosqan eren eńbegi úshin" joǵary marapatyna ıe boldy. Atalmysh marapatty Túrksoı uıymynyń tóraǵasy arnaıy tabystaǵan.
Bul týraly jýrnalıst Úkilaı Bestaı Facebook paraqshasynda bólisti:
"Súıinshi! Tashkentte ótip jatqan kınofestıvalde professor-ustazymyz, Qazaqstannyń halyq artısi - Tuńǵyshbaı Jamanqulov “Túrki dúnıesine qosqan eren eńbegi úshin” joǵary marapatyn aldy. Qutty bolsyn, aǵaıyn! Qazaq eliniń aty shyǵa bersin, eldiń mereıi óse bersin!", - dep jaqsy jańalyqpen bólisti.
