بۇگىن ۇلان بايجانوۆ باس پروكۋروردىڭ ورىنباسارى لاۋازىمىنان بوساتىلدى. بۇل تۋرالى اقوردانىڭ Telegram-داعى رەسمي ارناسى جاريالادى، دەپ حابارلايدى «ادىرنا» ۇلتتىق پورتالى.
«مەملەكەت باسشىسىنىڭ وكىمىمەن ۇلان بايجانوۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنان بوساتىلدى»، - دەلىنگەن حابارلامادا.
باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ رەسمي سايتىنىڭ مالىمەتىنشە, ۇلان بايجانوۆ 1958 جىلى 9-تامىزدا الماتى قالاسىندا تۋعان. س. كيروۆ اتىنداعى قازاق مەملەكەتتىك ۋنيۆەرسيتەتىن زاڭگەر ماماندىعى بويىنشا بىتىرگەن. ەڭبەك جولىن 1980 جىلى «قازگۋگراد» كپ اعا زاڭ كەڭەسشىسى بولىپ باستاعان.
1983-1987 جىلدارى «قازكعزي»رۇ ءبولىمىنىڭ باستىعى، 1987-1991 جىلدارى الماتى قالالىق اتقارۋ كوميتەتىنىڭ نۇسقاۋشىسى، زاڭ ءبولىمى مەڭگەرۋشىسىنىڭ ورىنباسارى، اكىمشىلىك ورگاندار ءبولىمىنىڭ مەڭگەرۋشىسى، مەملەكەتتىك-قۇقىق ءبولىمىنىڭ مەڭگەرۋشىسى;
1991-1995 جىلدارى الماتى قالاسى ادىلەت باسقارماسىنىڭ باستىعى، قازاقستان رەسپۋبليكاسى ادىلەت مينيسترلىگىنىڭ القا مۇشەسى;
1995-1997 جىلدارى «الماتى – زاڭ» قۇقىقتىق ورتالىعىنىڭ باس ديرەكتورى;
1997-1999 جىلدارى «قازاقتەلەكوم» ااق ۆيتسە-پرەزيدەنتى;
1999-2002 جىلدارى مەملەكەتتىك كىرىس ۆيتسە-ءمينيسترى قىزمەتىن اتقارعان.
«ادىرنا» ۇلتتىق پورتالى