Búgin Ulan Baıjanov Bas prokýrordyń orynbasary laýazymynan bosatyldy. Bul týraly Aqordanyń Telegram-daǵy resmı arnasy jarııalady, dep habarlaıdy «Adyrna» ulttyq portaly.
«Memleket basshysynyń ókimimen Ulan Baıjanov Qazaqstan Respýblıkasy Bas prokýrorynyń orynbasary laýazymynan bosatyldy», - delingen habarlamada.
Bas Prokýratýra janyndaǵy Quqyq qorǵaý organdary akademııasynyń resmı saıtynyń málimetinshe, Ulan Baıjanov 1958 jyly 9-tamyzda Almaty qalasynda týǵan. S. Kırov atyndaǵy Qazaq memlekettik ýnıversıtetin zańger mamandyǵy boıynsha bitirgen. Eńbek jolyn 1980 jyly «Qazgýgrad» KP aǵa zań keńesshisi bolyp bastaǵan.
1983-1987 jyldary «QazkǴZI»RU bóliminiń bastyǵy, 1987-1991 jyldary Almaty qalalyq atqarý komıtetiniń nusqaýshysy, zań bólimi meńgerýshisiniń orynbasary, ákimshilik organdar bóliminiń meńgerýshisi, memlekettik-quqyq bóliminiń meńgerýshisi;
1991-1995 jyldary Almaty qalasy Ádilet basqarmasynyń bastyǵy, Qazaqstan Respýblıkasy Ádilet mınıstrliginiń alqa múshesi;
1995-1997 jyldary «Almaty – Zań» quqyqtyq ortalyǵynyń bas dırektory;
1997-1999 jyldary «Qazaqtelekom» AAQ vıe-prezıdenti;
1999-2002 jyldary Memlekettik kiris Vıe-mınıstri qyzmetin atqarǵan.
«Adyrna» ulttyq portaly
