Qazaqstan Qytaidan 1 milliard iuannan astam investisiia tartuy mümkın. Būl şamamen 70 mlrd 980 mln teŋgege teŋ, dep habarlaidy "Adyrna" ūlttyq portaly
Aqparatty QR Ükımetınıŋ baspasöz qyzmetı taratty.
Atalǧan mäsele Astanada ötken kezdesude talqylandy. Premer-ministr Oljas Bektenov Qytaidyŋ eŋ ırı qarjy instituttarynyŋ bırı — ICBC bankınıŋ töraǧasy Liu Sziunmen kelıssöz jürgızdı.
“Bız ūzaqmerzımdı jäne berık serıktestıkke müddelımız. Ortaq bastamalar memleketterımızge damu tūrǧysynan jaŋa mümkındıkter aşady”, – dedı Bektenov kezdesu barysynda.
Ükımet derekterıne säikes, Qytai – Qazaqstan ekonomikasyna eŋ köp qarjy qūiyp otyrǧan bes eldıŋ bırı. Qazırgı taŋda Qytaidyŋ jalpy investisiia kölemı 26 milliard dollardan asty.
“Ötken jyly ekı el arasyndaǧy tauar ainalymy 44 milliard dollardy qūrap, rekord ornatty. Biyl būl körsetkış odan ärı ösıp keledı”, – delıngen Ükımet habarlamasynda.
ICBC bankı Qazaqstannyŋ ekonomikalyq jobalaryn qarjylandyruǧa qatysyp keledı. Biyl köktemde "Bäiterek" holdingımen bırlesken jūmys nätijesınde "Agrarlyq nesie korporasiiasy" 430 million iuan alǧan bolatyn.
Kelesı kezeŋ – 1 milliard iuannan astam nesie qarjysy "Öndırıstı damytu qoryna" baǧyttaluy mümkın.
Sonymen qatar, Qytaidyŋ ışkı qarjy naryǧynda 5 milliard iuan (670 mln dollar) kölemınde obligasiia ornalastyru mümkındıgı qarastyryluda.
