Ükımet su tasqynynan keiın biznestıŋ mülık şyǧyndaryn öteuge 12 mlrd teŋge böldı

Su tasqynynan keiın biznestıŋ şyǧynyn öteu üşın ükımet rezervınen 12 milliard teŋge bölındı, dep habarlaidy “Adyrna” ūlttyq portaly premer-ministrdıŋ baspasöz qyzmetıne sılteme jasap. “Qazaqstan Ükımetı alapat su tasqynynan keiın şaǧyn jäne orta biznestıŋ mülıkke qatysty şyǧyndaryn öteu üşın öz rezervınen 12 mlrd teŋgeden astam qarjy bölu turaly qauly qabyldady” delıngen habarlamada. Belgılı bolǧandai komissiialar käsıpkerlerdıŋ ötınımderın qabyldauda. Memleket basşysy Qasym-Jomart Toqaevtyŋ tapsyrmasy boiynşa Ükımet su tasqyny saldaryn joiu boiynşa keşendı jūmys jürgızude. Qabyldanyp jatqan şaralardyŋ ışınde azamattardy jaŋa tūrǧyn üimen qamtamasyz etu, bırjolǧy qarjylyq kömek körsetu, üilerdı jöndeu men qalpyna keltıru şyǧyndaryn öteu jäne t. b. bar. Zardap şekken bizneske keltırılgen zalaldy öteu jūmysy bastaldy. Qazırgı taŋda öŋırlık komissiialar şaǧyn jäne orta käsıpkerlık subektılerınıŋ jalpy somasy 1,5 mlrd teŋgege 178 ötınımın qarap, maqūldady. Jalpy alǧanda, äkımdıkterdıŋ aldyn ala baǧalauy boiynşa 746 ŞOB subektısı zardap şektı. Olardyŋ qatarynda azyq-tülık dükenderı, kafeler, TQKO, qonaq üiler jäne basqalary bar. Bügınde baǧalau jäne smetalyq jūmystar jürgızılude, olardyŋ qorytyndysy boiynşa ötınımder öŋırlık komissiialardyŋ qarauyna engızıledı. Osylaişa, Ükımet rezervınen 12 mlrd teŋgeden astam qarajat ŞOB mülık şyǧyndaryn öteu üşın Aqmola, Aqtöbe, Atyrau, Batys Qazaqstan, Qostanai jäne Soltüstık Qazaqstan oblystarynyŋ biudjetıne audarylady. Su tasqyny saldaryn joiu jönındegı jūmys Ükımet basşylyǧynyŋ tūraqty baqylauyna alynǧan. Esterıŋızge sala keteiık, būǧan deiın tötenşe rezervten Batys Qazaqstan jäne Qostanai oblystarynda äuedegı elektr beru jelılerın qalpyna keltıruge 2,4 mlrd teŋgeden astam qarjy bölıngen bolatyn.