شىعىس قازاقستان وبلىسى اياگوز اۋدانى مايلين اۋىلىنداعى مادەنيەت ءۇيىنىڭ ءحالى مۇشكىل. بۇل تۋرالى بەلگىلى ايتىسكەر اقىن، ءماجىلىس دەپۋتاتى رينات زايىتوۆ ايتتى، دەپ حابارلايدى «ادىرنا» ءتىلشىسى.
«وڭىرلەردەگى كەزدەسۋلەر كەزىندە اياگوز اۋدانى مايلين اۋىلىنداعى مادەنيەت ءۇيىنىڭ مۇشكىل جاعدايىن كورىپ ەدىم. ەشقانداي جابدىق پەن اسپاپتاردىڭ جوقتىعىنا قاراماستان، جۇمىس جاساپ وتىرعان مادەنيەت ءۇيىنىڭ جەتەكشىسى تاباندىلىق تانىتىپ ءجۇر ەكەن. وسى جاعدايدى كورگەن مەدەتجان ەسىمدى باۋىرىم مادەنيەت ۇيىنە دومبىرا سىيلاۋعا ۋادە بەرگەن. شۇكىر. بۇگىن سول اسپاپتار اۋىلعا جەتىپتى. ۇلتتىق مادەنيەتتى وركەندەتۋ ءار ازاماتتىڭ قولىنان كەلەدى. تەك نيەتى دۇرىس بولسا بولعانى. مايلين اۋىلىنىڭ مادەنيەت ءۇيى تالانتتاردىڭ التىن بەسىگى بولعاي. مەدەتجان باۋىرىم، دالاداي كوڭىلىڭە باس ءيىپ، العىس ايتامىن. ميلليونەر بولماساڭ دا، بارىڭدى ۇقساتىپ، ۇلتتىق ونەردى قادىرلەپ، قولداعان جۇرەگىڭ توقتاماسىن! راقمەت. سەنىڭ ەرلىگىڭ باسقا دا جىگىتتەرگە ۇلگى بولسىن!»—دەپ جازدى ول.
