Shyǵys Qazaqstan oblysy Aıagóz aýdany Maılın aýylyndaǵy mádenıet úıiniń hali múshkil. Bul týraly belgili aıtysker aqyn, Májilis depýtaty Rınat Zaıytov aıtty, dep habarlaıdy «Adyrna» tilshisi.
«Óńirlerdegi kezdesýler kezinde Aıagóz aýdany Maılın aýylyndaǵy mádenıet úıiniń múshkil jaǵdaıyn kórip edim. Eshqandaı jabdyq pen aspaptardyń joqtyǵyna qaramastan, jumys jasap otyrǵan mádenıet úıiniń jetekshisi tabandylyq tanytyp júr eken. Osy jaǵdaıdy kórgen Medetjan esimdi baýyrym mádenıet úıine dombyra syılaýǵa ýáde bergen. Shúkir. Búgin sol aspaptar aýylǵa jetipti. Ulttyq mádenıetti órkendetý ár azamattyń qolynan keledi. Tek nıeti durys bolsa bolǵany. Maılın aýylynyń mádenıet úıi talanttardyń altyn besigi bolǵaı. Medetjan baýyrym, daladaı kóńilińe bas ıip, alǵys aıtamyn. Mıllıoner bolmasań da, baryńdy uqsatyp, ulttyq ónerdi qadirlep, qoldaǵan júregiń toqtamasyn! Raqmet. Seniń erligiń basqa da jigitterge úlgi bolsyn!»—dep jazdy ol.
