Mäjılıs deputaty Rinat Zaiytov memleket basşysy Qasym-Jomart Toqaevtyŋ aldynda söz söilep, Ūlttyq teatr jäne «Jaŋa qazaq ädebietı» degen pän engızudı ūsynǧan bolatyn, dep «Adyrna» ūlttyq portaly.
Bügın jurnalister «Keşe Preziedenttıŋ aldynda Ūlttyq teatr men «Jaŋa qazaq ädebietı» degen pän aşu mäselesın köterdıŋız. Qoǧamda özıŋızge kötergen mäsele qatty synaldy. Tıptı «Ekınşı Myrzatai ösıp kele jatyr» degen pıkırler aityldy. Prezidenttıŋ aldynda barǧandaǧy kötergen maŋyzdy mäsele osy boldy ma?» dep deputatqa sūraq qoidy.
«Men üşın «İia». Keşe jurnalist bauyrym «Jol mäselesın nege kötermeisız?» dep sūrady. Är sūraqtyŋ köretın maŋyzdylyq deŋgeiı bolsa, bır-bırın öltırıp jatqan, bır-bırın sabap jatqan ūrpaqtyŋ basty ındetı – ideologiia men ūlttyq qūndylyqtardyŋ joqtyǧynan. Teatr mäselesın 2021 jyldan berı köterıp kele jatyrmyn. Byltyrǧy sūhbatyymda da eskertıp «Eger men prezidentpen jolyǧatyn 2 minut uaqytym bolsa, osy mäselenı qozǧaityn edım» dep aitqam. Qozǧap qana qoimai, mäselenıŋ aiaǧyna deiın orndaluyn ötınem. Men Parlamentke kelgelı berı ekı mäselenı Oqu-aǧartu ministrlıgıne de, Mädeniet jäne aqparat ministrlıgıne tıkelei kırıp aitqanmyn», – dedı ol.
Sondai-aq jurnalister «Keşe deputat Däulet Mūqaev ekeuıŋız «mekteptıŋ 5-synybynan bastap orys tılı oqytylsyn» dep ūsynys tastadyŋyzdar. Būl öte maŋyzdy ūsynys edı. Prezidenttıŋ aldynda osy mäselenı nege kötermedıŋızder?» dep sūraq qoidy.
«Būl mäsele «Jaŋa qazaq ädebietı» pänınıŋ ışıne kıredı. 1 synyptan 5 synypqa tek qazaq tılınde ötkızu degen ūsynysym Ashat Qanatūly Aimaǧambetov ministr bolyp tūrǧan kezde bastalǧan. Sol kezden 1 synyp tolyqtai qazaq tılıne ötkızılgen. Al qazır mysaly bızdıŋ narazylyǧymyzǧa qaramai 1 synypta älıpbiın öte sala, 2-synypta orys tılın öte bastaidy. Menıŋ öz qalauym – balalarymdy orys tılıne müldem oqytqym kelmeidı. Zaiyrly demokratiialyq memleket qalasaq, bızde sondai taŋdau bolu kerek. Balalarymyzdy qai tılde oqytuymyzdy özımız taŋdau kerekpız», – dedı deputat.
Ūqsas jaŋalyqtar
