ءماجىلىس دەپۋتاتى نارتاي ارالبايۇلى مىندەتتى الەۋمەتتىك مەديتسينالىق ساقتاندىرۋ ء(مامس) ماسەلەسىنە قاتىستى وزىنە كەلىپ تۇسكەن ساۋالدار مەن ارىز-شاعىمداردىڭ 90%-ى تار بەيىندى ماماندارعا قاتىستى ەكەنىن ايتتى. بۇل تۋرالى ول ۇكىمەت ساعاتىندا جەكە كلينيكالارداعى باعا ماسەلەسىن كوتەردى، دەپ حابارلايدى “ادىرنا” ۇلتتىق پورتالى.
تەراپەۆتى ەكى اپتا كۇتەمىز. ودان كەيىن تار بەيىندى ماماندى اپتالاپ، ايلاپ كۇتەمىز. قايتادان تەراپەۆتكە اينالىپ كەلەمىز» دەگەن ماسەلە بار. تار بەيىندى مامانداردىڭ ىشىندە نەۆروپوتولوگ، رەۆموتولوگ جەتىسپەيتىنىن حالىق ءجيى ايتادى. ناۋقاس بولعان، سىرقاتقا شالدىققان ادامنىڭ ءبىرىنشى جاۋى – ۋاقىت. سوندىقتان حالىقتىڭ تالابى مىناداي: تەراپەۆتكە قايتا اينالىپ كەلىپ جۇرە بەرمەي، ءبىر مارتە كەلدىك، تار بەيىندى مامانعا جولداندىق، ارى قاراي وزگە اناليزدەردى تاپسىرىپ، ەمدەلە بەرسەك. حالىقتىڭ وسىلايشا ۋاقىت جوعالتپاساق دەگەن تالابى بار، - دەدى ول.
دەپۋتات دەنساۋلىق ساقتاۋ ءمينيسترى اجار عينياتتان اۋرۋحانالارداعى تار بەيىندى مامانداردىڭ جەتىسپەۋشىلىن قالاي شەشەتىنىن سۇراپ، حالىقتىڭ تالابىنا قاتىستى ويىن سۇرادى.
ازاماتتار ەمدەلۋ ءۇشىن جەكە كلينيكالارعا بارۋعا ءماجبۇر بولادى. بىراق ول جاقتاعى باعالاردى ەستىگەن كەزدە ادامدار اۋرۋىن ۇمىتىپ قالاتىن جاعدايعا جەتەدى. جەكە كلينيكالارداعى باعا ساياساتىن رەتتەۋ مۇمكىندىگى بار ما؟، – دەپ ايتتى نارتاي ارالبايۇلى.
