الماتىدا ۆيزا الا الماعانىنا نارازى بولعان كليەنت تۋريستىك فيرما قىزمەتكەرىنىڭ باسىنا قايشى تىعىپ الدى، - دەپ حابارلايدى "ادىرنا" ءتىلشىسى. جاعداي تۋرالى Tengrinews.kz جازدى.
زارداپ شەگۋشى ماريا كليەنتكە اقش پەن گەرمانياعا ۆيزا الۋ ءۇشىن قۇجاتتاردى دايىنداۋعا كومەكتەسكەنىن ايتتى. ەكى جاقتان دا تەرىس جاۋاپ العان بويجەتكەن ۇندىستانعا تەگىن ۆيزا الۋدى تالاپ ەتەدى. الايدا كليەنتتى بۇل ۇسىنىس تا قاناعاتتاندىرماعان.
«ءبىز وعان گەرمانيا باعىتىندا جۇمىسىن جالعاستىرۋدى ۇسىندىق، بۇل وڭايىراق بولار ەدى. ول كەلىستى، سونىمەن قاتار ۇندىستانعا تەگىن ۆيزا الۋعا كومەك سۇرادى. ۆيزا ماقۇلداندى، بىراق بۇل وعان جەتكىلىكسىز بولدى. كونسۋلدىق الىمدارعا جۇمساعان جارتى ميلليونىن تولەۋدى تالاپ ەتىپ، «مەنىڭ جۇمىسىم نەبارى 90 مىڭ تەڭگە تۇرسا دا، ول جۇما كۇنى كەڭسەگە كەلىپ، مەنەدجەردى ءپروفيلدى وشىرۋگە ماجبۇرلەپ، سۇراماي-اق فايلدان قۇجاتتارىن الىپ كەتكەن. سودان كەيىن ول مەنى الاياقتىق ءۇشىن سوتقا بەردى»، - دەيدى جابىرلەنۋشى.
ماريا قىزدىڭ ماقساتى ونى اشۋلاندىرۋ بولعانىن ايتادى. اۋىزشا كيكىلجىڭ كەزىندە كليەنت وعان كەڭسە زاتتارىن لاقتىرا باستاعان. سونىڭ ناتيجەسىندە فيرما قىزمەتكەرىنىڭ باسىنا قايشى قادالعان.
"مەن ءوز باسىمنان قايشىنى ءوزىم سۋىرىپ الدىم. جەدەل جاردەم مەن پوليتسەيلەر كەلگەندە، ول مەن ءوز-ءوزىمدى جارالادىم دەپ ايقايلادى. قان كوپ بولدى، جارامدى تىگىپ تاستادى. مەن قازىر جارامدى تاڭۋعا كۇندە بارامىن. ءوزى ورانعان قىز، تاقۋا بەينەلى، سوعان قاراماستان ول وسىنداي سۇمدىق ىستەرگە بارادى»، - دەيدى جابىرلەنۋشى.
الماتى پوليتسيا دەپارتامەنتى Tengrinews.kz تىلشىسىنە بۇل فاكتىنى المالى اۋداندىق اكىمشىلىگىنىڭ پوليتسيا ءبولىمى تىركەپ، تەرگەۋ جۇرگىزىپ جاتقانىن ايتتى. ايەلدىڭ العان جاراقاتىنىڭ اۋىرلىعىن انىقتاۋ ماقساتىندا سوت-مەديتسينالىق ساراپتاما تاعايىندالدى. ءىس-شارالار كەشەنىنىڭ قورىتىندىسى بويىنشا شەشىم قابىلدانادى.
پوسموترەت ەتۋ پۋبليكاتسيۋ ۆ Instagram
