الماتى قالاسى تۇرعىن ءۇي كەشەندەرىنىڭ بىرىندە تۇرعىندار سۋسىز، جارىقسىز، ينتەرنەت جەلىسىز قالدى. جاعدايعا رۇقساتسىز، ەشقانداي ماقۇلداۋسىز سالىنعان كولىك جۋ بەكەتىنىڭ قۇرىلىسى سەبەپ بولدى دەيدى ولار. ماسەلەنىڭ بۇگە-شۇگەسىن «ادىرنا» ءتىلشىسى «گۇلدەر» تۇرعىن ءۇي كەشەنىنىڭ حالقىنان سۇراپ ءبىلىپ قايتتى.
سونداي-اق، حالىق الدىندا الماتى قالاسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ ماماندارى دا قۇرىلىس جۇمىستارىنا ەشقانداي رۇقسات بولماعانىن ايتىپ، ءتيىستى شارالار قولداناتىندارىن العا تارتتى.
دەي تۇرعانمەن، الماتى قالاسىنىڭ جەر قاتىناستار باسقارماسىنىڭ رەسمي سايتىندا «اكۆا روبوت» جشس-نە اتالعان مەكەن-جاي بويىنشا جەرگە ورنالاستىرۋ جوباسىن بەكىتۋ تۋرالى قۇجات كورسەتىلگەن. جاۋاپتى تۇلعالار بۇل قۇجات تۋرالى ەشتەڭە بىلمەيتىندەرىن تاعى ايتتى.
«گۇلدەرگە» سۋ مەن جارىق بەرمەگەن كىم؟
الماتى قالاسى رايىمبەك داڭعىلى بويىنداعى بىلتىر عانا قولدانىسقا بەرىلگەن «گۇلدەر» تۇرعىن ءۇي كەشەنىنىڭ جۇرتى سۋسىز، جارىقسىز قالىپ داۋ كوتەردى. توسىننان بولعان جاعدايعا عيمارات ماڭىنداعى الاڭقايعا سالىنىپ باستالعان «اكۆا روبوت» جشس قۇرىلىسى بولدى. انىقتالعان دەرەككە سايكەس قۇرىلىس يەلەرىنىڭ كىم ەكەنى 8 قازان كۇنى بەلگىلى بولعان. تۇرعىن ءۇي كەشەنىنىڭ ورتاق سۋ قۇبىرىنا جالعاۋ ءۇشىن جەر قازىپ بىرنەشە كۇن بويى قۇرىلىس جۇمىستارىن جۇرگىزگەن. سالدارىنان ايماقتاعى جۇرت سۋسىز، جارىقسىز قالىپ، ون ەكى قاباتتىق عيمارات ليفت قىزمەتىنسىز قالعان. سوراقىسى – جاعداي تۋرالى قۇرىلىس يەلەرى تاراپىنان دا، تۇرعىن ءۇي كەشەنىنىڭ يەلەرى «BI Clienت Service» جشس-نان دا، اكىمشىلىكتەن دە ەسكەرتۋ بولماعان.
شەنەۋنىك «كۇشىن جويدى» دەگەن قۇجات سايتتا تۇر
تۇرعىندار ءتيىستى ورگاندارعا حات جازىپ، ارىز-شاعىمدارىن ۋاقىتىلى جەتكىزىپ ۇلگەرگەن. ناتيجەسىندە 16 قازان كۇنى كەشكى ۋاقىتتا ناۋرىزباي اۋداندىق اكىمدىگى مەن «BI Clienت Service» جشس جانە الماتى قالاسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ وكىلدەرى حالىقپەن كەزدەسىپ جاعدايعا قاتىستى ماسەلەلەردى شەشەتىندەرىن ايتتى: ««تەحنيكالىق قىزمەتتەر جۇرگىزۋگە رۇقسات قۇجات جۇزىندە 2015 جىلى بەرىلگەن. قازىرگى تاڭدا سول قۇجات كۇشىن جويدى. سايكەسىنشە زاڭ بويىنشا رۇقسات بولماعاندىقتان «اكۆا روبوت» جشس-نىڭ قۇرىلىس جۇرگىزۋگە ەشقانداي قۇقىعى جوق. ءبىز ەشقانداي كەلىسىم، رۇقسات بەرگەن جوقپىز. قۇرىلىس جۇمىستارى زاڭسىز تۇردە جۇزەگە استى. ءتيىستى شاعىمدار قابىلدانىپ شارالار قولدانىلاتىن بولادى» دەپ جاۋاپ بەردى ناۋرىزباي اۋدانى اكىمدىگى اپپاراتىنىڭ كوممۋنالدىق قىزمەت ءبولىمىنىڭ جەتەكشىسى جاندوس تاكەباەۆ.
سونداي-اق، حالىق الدىندا الماتى قالاسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ ماماندارى دا قۇرىلىس جۇمىستارىنا ەشقانداي رۇقسات بولماعانىن ايتىپ، ءتيىستى شارالار قولداناتىندارىن العا تارتتى.
دەي تۇرعانمەن، الماتى قالاسىنىڭ جەر قاتىناستار باسقارماسىنىڭ رەسمي سايتىندا «اكۆا روبوت» جشس-نە اتالعان مەكەن-جاي بويىنشا جەرگە ورنالاستىرۋ جوباسىن بەكىتۋ تۋرالى قۇجات كورسەتىلگەن. جاۋاپتى تۇلعالار بۇل قۇجات تۋرالى ەشتەڭە بىلمەيتىندەرىن تاعى ايتتى.
جوعالعان جارىق پەن ۇستاتپايتىن جەلى
جاعدايدى ءبىر اپتانىڭ ىشىندە رەتتەيمىز جاۋاپتى تۇلعالار «گۇلدەر» تۇرعىن كەشەنىندەگى ينتەرنەت جەلىسىنىڭ ناشارلىعىنا قاتىستى وي ءبىلدىردى. «ءبىر كۇن بويى سۋ، جارىق بولمادى. قازىر وزدەرىڭىز بىلەسىزدەر. جارىقسىز ءبىر ساعات تا ءومىر ءسۇرۋ مۇمكىن ەمەس. ليفت تە ىستەمەي تەنتىرەپ قالدىق. ەڭ قۇرىعاندا ەسكەرتۋلەرى كەرەك ەدى. بۇل ىستەرى دۇرىس ەمەس. ونى قويا بەرگەندە ءبىزدىڭ تۇرعىن ءۇي كەشەنىندە Beeline-نان باسقا جەلى ۇستامايدى. باسقا جەلىلەردىڭ پروۆايدەرلەرى ورناتىلمايدى. 2000-نان اسا حالىق تۇراتىن، بەس-التى بلوكتان تۇراتىن ءۇيدىڭ ءبارى ءبىر پروۆايدەرگە ورناتىلىپ، كەشكە ءبارىمىز ينتەرنەتكە كىرسەك پايدالانۋ مۇمكىن بولماي قالادى» دەدى المات ەسىمدى تۇرعىن. اكىمدىك حالىقتىڭ جەلىگە قاتىستى ارىز-شاعىمىن قاراستىراتىنىن ايتىپ، ۋادەلەرىن ءۇيىپ توكتى. الماتى قالاسىنداعى جەكەلەگەن اۋداندار مەن قالا توڭىرەگىندە سوڭعى كەزدەرى ءجيى جارىق ءوشىپ قالاتىن بولىپ ءجۇر. ماسەلەن، 15 قازان كۇنى تۇندە الماتى وبلىسى ىرگەلى اۋدانىندا ورنالاسقان «اسىل ارمان» تۇرعىن ءۇي كەشەنى تۇرعىندارى جارىققا قاتىستى بىتپەيتىن ماسەلەنى شەشۋ ءۇشىن الماتى – تاشكەنت كۇرە جولىن جاۋىپ تاستاۋعا تىرىسقان. تۇرعىندار سوندا ۇيلەرىندە سۋ جوق ەكەنىن جانە گاز پليتاسى تىكەلەي ەلەكتر قۋاتىنا قوسىلعاندىقتان، ءۇي سالقىن بولىپ تۇرعانىن ايتقان.ۇقساس جاڭالىقتار
