جازۋشى تاحاۋي احتانوۆ 1923 جىلدىڭ 25 قازانىندا اقتوبە وبلىسىنىڭ شالقار اۋدانىندا تۋعان.
احتانوۆتىڭ قوعامدىق جانە شىعارماشىلىق ەڭبەگى جوعارى باعالانىپ، II دارەجەلى وتان سوعىسى، قىزىل جۇلدىز (ەكى رەت), ەڭبەك قىزىل تۋ، قۇرمەت بەلگىسى وردەندەرىمەن جانە بىرنەشە مەدالدارمەن ماراپاتتالدى.
باسپاسوزدە تۇڭعىش جاريالانعان پروزالىق تۋىندىسى — «كۇي اڭىزى» اتتى اڭگىمەسى. العاشقى اڭگىمەسىمەن-اق بايسالدى، بايىپتى قالامگەر ەكەندىگىن مويىنداتتى.
تاحاۋي احتانوۆتىڭ تانىمال تۋىندىسى «قاھارلى كۇندەر» اتتى رومانى 1956 جىلى باسىلدى. كەزىندە بۇل رومان كەڭەس جاۋىنگەرلەرىنىڭ ەرلىگىن، مايدان ءومىرىن سۋرەتتەگەن سۇبەلى شىعارما رەتىندە باعالانعان. قازىرگى ەركىندىك كەزىندە شىعارمانىڭ ايتارى ودان الدەقايدا اۋقىمدى، كونتسەپتۋالدى ەكەنىن، قازاق ادەبيەتىندە عانا ەمەس، كەشەگى كەڭەس ادەبيەتىندە دە سوعىس تۋرالى دا، جالپى بولمىس تۋرالى دا تىڭ ىزدەنىستەر كەلۋىنە ءوز تاراپىنان ىقپال ەتكەنىن ايتۋ كەرەك. جاڭاشا ىزدەنىستىڭ باسىندا قازاق جازۋشىسى تاحاۋي احتانوۆتىڭ تۇرعانىن بۇگىندە لايىقتى ماقتانىشپەن ەسكە الۋ، ەسكەرۋ — پارىز.
جازۋشىنىڭ ەڭ سوڭعى رومانى — «شىراعىڭ سونبەسىن».
حالقىنا وشپەس مۇرا قالدىرعان تاحاۋي احتانوۆ 71 جاسقا قاراعان شاعىندا 1994 جىلى 25 قىركۇيەكتە ۇزاققا سوزىلعان سىرقاتتان قايتىس بولدى.
