ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازا تاپقان كەنشىلەردىڭ وتباسىلارىنا قانداي الەۋمەتتىك كومەك كورسەتىلەتىنىن ايتتى، دەپ حابارلايدى «ادىرنا» ۇلتتىق پورتالى.
– قازا تاپقان ازاماتتاردىڭ وتباسىلارىنا اسىراۋشىسىنان ايرىلۋىنا بايلانىستى جاردەماقى تاعايىندالادى. ول رەسپۋبليكالىق بيۋدجەتتەن، الەۋمەتتىك ساقتاندىرۋ قورىنان جانە ءومىردى ساقتاندىرۋ كومپانياسىنان تولەنەدى. جاردەماقى كولەمىنىڭ جالپى ورتاشا مولشەرى اسىراۋىنداعى ادامدار 18 جاسقا تولعانعا دەيىن اي سايىن 400-500 مىڭ تەڭگەدەن باستالادى. ەگەر بالالار جوعارى وقۋ ورىندارىندا ءبىلىم الىپ جاتقان بولسا، وندا 23 جاسقا دەيىن تولەنەدى. ازىرگە بارلىق تولەمدى وتەۋ «ارسەلورميتتال تەمىرتاۋ» كومپانياسىنا جۇكتەلەدى. كاسىپورىن ۇجىمدىق شارتقا سايكەس جىلدىق تولەم تاۋەكەلدەرىن تولەۋگە مىندەتتى. «ارسەلورميتتال تەمىرتاۋ» كومپانياسى جەرلەۋ راسىمدەرىنە بايلانىستى بارلىق شىعىندى، سونداي-اق بالالاردى جوعارى وقۋ ورىندارىندا وقىتۋدى ءوز موينىنا الۋعا ءتيىس، – دەدى سۆەتلانا جاقىپوۆا
«ادىرنا» ۇلتتىق پورتالى
