قورقىت اتا اتىنداعى قىزىلوردا ۋنيۆەرسيتەتىنىڭ كاسىپكەرلىك ورتالىعى Startup Joly ينكۋباتسيالىق باعدارلاماسىنىڭ قورىتىندى شاراسىن وتكىزدى.
«QazInnovations» يننوۆاتسيالاردى دامىتۋ جونىندەگى ۇلتتىق اگەنتتىگىنىڭ» قولداۋىمەن تامىز ايىندا باستالعان ينكۋباتسيالىق باعدارلامانىڭ ەكىنشى ماۋسىمىنا قاتىسۋعا 127 ءوتىنىم تۇسكەن، ال باعدارلاماعا 57 جوبا قابىلداندى.
Startup Joly − يننوۆاتسيالىق ستارتاپتار مەن كاسىپكەرلىك باستامالاردى قاجەتتى رەسۋرستارمەن قامتاماسىز ەتۋگە، كاسىپكەرلىكتىڭ ءارتۇرلى اسپەكتىلەرى، سونىڭ ىشىندە يدەيا، ماركەتينگ، ساتۋ جانە قۇقىقتىق ماسەلەلەر بويىنشا داعدىلاردى ارتتىرۋعا باعىتتالعان باعدارلاما. باعدارلاما اياسىندا قاتىسۋشىلارعا تەگىن 16 سەمينار، مەنتورلىق ساباقتارمەن بىرگە جوبالاردى يدەيا ساتىسىنان پروتوتيپ دەڭگەيىنە دەيىن دامىتۋ ماقساتىندا ءار تاقىرىپقا سايكەس بىلىكتى ماماندار شەبەرلىك ساباقتارىن ءوتتى.
يننوۆاتسيالىق جوبالار بايقاۋىنىڭ ماقساتى − وڭىردەگى ۇزدىك يننوۆاتورلاردى انىقتاۋ، ولاردىڭ جوبالارىن قولداۋ جانە دامۋىنا كومەكتەسۋ. ينكۋباتسيالىق كەزەڭنىڭ قورىتىندى Demo Day شاراسىندا قازىلار القاسىنا 22 جوبا تانىستىرىلدى. ۇسىنىلعان جوبالاردىڭ قاتارىندا تسيفرلى VR كوزىلدىرىك، Ecotrade, Syr-Lax, Janarym AI ءتارىزدى جوبالار بار.
بايقاۋدا زامانبەك جاقسىلىقوۆ «BumpIt» جوباسى بويىنشا 500 مىڭ تەڭگە يەلەندى. ال، ارسەن ساعيدۋللاەۆقا 300 مىڭ تەڭگە تابىستالدى. ايتولقىن اقىنباەۆا «Orda Studio» جوباسىمەن 200 مىڭ تەڭگە جۇلدەنى قانجىعاسىنا بايلادى. سونىمەن قاتار، قارجىلاي سىيلىقتان بولەك سەرتيفيكات تابىستالدى. سەرتيفيكات ارقىلى «QazInnovations» يننوۆاتسيالاردى دامىتۋ جونىندەگى ۇلتتىق اگەنتتىگى» جانە Astana Hub حالىقارالىق تەحنوپاركىنىڭ گرانتتىق باعدارلامالارىنا قاتىسا الادى.
«Staryp Joly باعدارلاماسى اياسىندا جوبانى دامىتۋ، ىسكە اسىرۋ بويىنشا كوپتەگەن سەمينارعا قاتىستىم. ينكۋباتسيالىق كەزەڭدە Demo Day يننوۆاتسيالىق جوبالار بايقاۋىنا «BumpIt» جوباسىن ۇسىندىم. BumpIt − كولىك كومپونەنتتەرىن ارزان جانە زاۋىتتىق ساپادا وندىرۋگە باعىتتالعان جوبا. قازاقستاندا كولىك جولدارىنىڭ ساپاسىزدىعىنان اۆتوكولىك كومپونەنتتەرى، بامپەرلەرى وزگەرىسكە ۇشىرايدى نەمەسە جارامسىز بولادى. وسى ورايدا كولىك كومپونەنتتەرىنە قاجەتتى بولشەكتەردى ارزان جانە ساپالى تۇردە جاساۋدى ءجون كوردىم»، - دەدى زامانبەك جاقسىلىقوۆ.
باس سەرىكتەستەر: قر تسيفرلىق دامۋ، يننوۆاتسيالار مەن اەروعارىش ونەركاسىبى مينيسترلىگى، «QazInnovations» يننوۆاتسيالاردى دامىتۋ جونىندەگى ۇلتتىق اگەنتتىگى، Astana Hub حالىقارالىق تەحنوپاركى، قورقىت اتا اتىنداعى قىزىلوردا ۋنيۆەرسيتەتى. سەرىكتەستەر: قىزىلوردا وبلىسىنىڭ «اتامەكەن» ۇلتتىق كاسىپكەرلەر پالاتاسى، قىزىلوردا وبلىسى اكىمى اپپاراتىنىڭ «اقپاراتتىق تەحنولوگيالار ورتالىعى».
ايتا كەتەيىك، Startup Jolۋ ينكۋباتسيالىق باعدارلاماسىنىڭ وتكەن ماۋسىمىنا قاتىسۋعا 135 ءوتىنىم ءتۇستى. العاشقى Demo Day-دە 8 ادامنان قۇرىلعان قازىلار القاسىنىڭ باعالاۋى بويىنشا Educopter, Dmenu, ecoDabyl جوبالارى جەڭىمپاز اتاندى.
