«Nur Otan» پارتياسى اقىن-جازۋشىلار، دراماتۋرگتەر مەن ستسەناريستەر اراسىندا وتەتىن «ۇلى دالا» رەسپۋبليكالىق شىعارماشىلىق بايقاۋىنىڭ باستالعانى تۋرالى حابارلايدى.
ۇيىمداستىرۋشىلاردىڭ ايتۋىنشا، جەڭىمپازدار «پروزا»، «پوەزيا»، «دراماتۋرگيا»، «كوركەم فيلم مەن تەلەسەريال ستسەناريى» جانە «بالالارعا ارنالعان شىعارما» نوميناتسياسى بويىنشا انىقتالادى. ءار نوميناتسيا جەڭىمپازى 1 000 000 تەڭگەگە يە بولسا، ەكىنشى ورىنعا 750 000 تەڭگە جۇلدە قورى قاراستىرىلعان. ءۇشىنشى ورىن يەگەرىنە 500 000 تەڭگە ۇسىنىلادى.
«بۇل بايقاۋدىڭ ماقساتى – تاۋەلسىزدىكتىڭ العاشقى 30 جىلىندا ەلىمىزدىڭ جەتكەن جەتىستىكتەرىن، مەملەكەتتىلىك ىرگەسىنىڭ بەكۋىندەگى قازاقستاننىڭ تۇڭعىش پرەزيدەنتى – ەلباسى ن.ءا.نازارباەۆتىڭ باسشىلىعىمەن قول جەتكىزگەن تابىستاردى جانە قوعامدى رۋحاني جاڭعىرتۋدىڭ يدەيالارى مەن قۇندىلىعىن كورسەتەتىن قازىرگى زامانعى قازاقستاندىق اۆتورلاردىڭ شىعارمالارىن قولداۋ جانە ناسيحاتتاۋ بولىپ وتىر»، - دەلىنگەن حابارلامادا.
سونىمەن قاتار، بايقاۋعا 18-دەن 40 جاسقا دەيىنگى اقىن-جازۋشىلار، دراماتۋرگتەر مەن ستسەناريستەر قاتىسۋعا قۇقىلى. ءبىر اۆتور/اۆتورلار توبى تەك ءبىر نوميناتسياعا قاتىسا الادى. بايقاۋعا ۇسىنىلاتىن جۇمىستاردىڭ تاقىرىبىنا شەكتەۋ قويىلمايدى. شىعارمالار 2021 جىلدىڭ 1 قازان كۇنى ساعات 9.00-دەن 2021 جىلدىڭ 30 قاراشا كۇنى ساعات 18.00-گە دەيىن ەلەكتروندى پوشتا ارقىلى قابىلدانادى.
ەستەرىڭىزگە سالساق، كەشە «Nur Otan» پارتياسى مەن قازاقستان جازۋشىلار وداعى اراسىنداءوزارا ىنتىماقتاستىق تۋرالى مەموراندۋمعا قول قويىلدى.
پارتيا توراعاسىنىڭ ءبىرىنشى ورىنباسارى باۋىرجان بايبەك شارانىڭ اشىلۋىندا سويلەگەن سوزىندە قوعامداعى زيالى قاۋىم وكىلدەرىنىڭ ءتيىس ەكىجاقتى جوبالارعا كەڭىنەن توقتالىپ وتكەن ەدى. اتالعان مەموراندۋمنىڭ العاشقى جەمىسى رەتىندە اتالمىش «ۇلى دالا» بايقاۋى جاريالانىپ وتىر.
«ۇلى دالا» بايقاۋى 2019 جىلى وتكىزىلىپ، وعان 700-دەن استام شىعارما تۇسكەن بولاتىن. ولاردىڭ ىشىنەن 400 شىعارما ىرىكتەلىپ، 5 نوميناتسيا بويىنشا ەلىمىزدىڭ تۇكپىر-تۇكپىرىنەن تالانتتى 15 جاس قالامگەر جۇلدەگەر اتاندى. تەك سوڭعى ءبىر جارىم جىلدا كوروناۆيرۋس پاندەمياسىنىڭ سالدارىنان ءبىراز ادەبي-مادەني جوبالار توقتاپ قالدى.
بايقاۋدىڭ شارتتارى «Nur Otan» پارتياسىنىڭ رەسمي سايتىندا جانە الەۋمەتتىك جەلىلەردەگى رەسمي اككاۋنتتارىندا، سونداي-اق اikyn.kz سايتىندا، «Miras» پارتيالىق جوباسىنىڭ Facebook پاراقشاسىندا جاريالانادى.
”ادىرنا” ۇلتتىق پورتالى
