استانادا 30 قازانعا قاراعان ءتۇنى تۇرعىن ۇيلەردىڭ بىرىندە ءورت شىعىپ، سالدارىنان 72 جاستاعى ايەل قازا تاپتى. بۇل تۋرالى اقپاراتتى ەلوردالىق توتەنشە جاعدايلار دەپارتامەنتىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەردە ءورت شىققان تۇرعىن ءۇيدىڭ اۋلاسى ۆيدەو جاريالانعان. كادرلارعا قاراعاندا، ءورت كەزىندە ايماقتا جارىق بولماعان.
مالىمەت بويىنشا، 30 قازان كۇنى ساعات 00:22-دە "101" پۋلتىنە ماناس كوشەسى، 3/1 مەكەنجايىندا ءورت شىققانى تۋرالى حابارلاما تۇسكەن. ءورت سوندىرۋشىلەر دەرەۋ وقيعا ورنىنا اتتانعان. سوندىرۋشىلەر كەلگەن ۋاقىتتا بەس قاباتتى تۇرعىن ءۇيدىڭ ءبىر پاتەرىنىڭ ءبىرىنشى قاباتىندا 18 شارشى مەتر اۋماقتى قۇرايتىن تۇرمىستىق زاتتار مەن جيھازدار جانىپ جاتقانى انىقتالعان.
ءورت ورنىنان 1951 جىلى تۋعان ايەلدىڭ دەنەسى تابىلدى، – دەلىنگەن اقپاراتتا.
سونداي-اق، تۇرعىن ءۇيدىڭ جوعارعى قاباتتارىنان 51 تۇرعىن ەۆاكۋاتسيالاندى، ونىڭ ىشىندە 14 بالا بار. ءورتتى جەكە قۇرامنىڭ 16 قىزمەتكەرى ءتورت تەحنيكانىڭ كومەگىمەن ساعات 00:44-تە سوندىرگەن. ءورتتىڭ شىعۋ سەبەبى انىقتالۋدا.
ەسكە سالساق، 29 قازان كۇنى كەشكە استانانىڭ ءۇش اۋدانىنىڭ تۇرعىندارى جەو-2-دەگى قىسقا تۇيىقتالۋ سالدارىنان جارىقسىز قالدى.
