بولات نازارباەۆتىڭ شۇعىل تۇردە اۋرۋحاناعا تۇسكەنى ايتىلدى، دەپ حابارلايدى “ادىرنا” ءتىلشىسى 365info.kz -كە سىلتەمە جاساپ.
ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆ اۋىر جاعدايدا الماتى قالاسىنىڭ ورتالىق كلينيكالىق اۋرۋحاناسىنا جاتقىزىلعان.
ول 3 قاراشادا، جۇما كۇنى كەشكە اۋىر جاعدايدا ميوكارد ينفاركتى دياگنوزىمەن اۋرۋحاناعا جەتكىزىلگەن.
قازىر بولات نازارباەۆتىڭ جاعدايى اۋىر جانە تۇراقسىز. كاسىپكەردىڭ 2 جىل بويى توسەك تارتىپ جاتقانى باق بەتتەرىندە حابارلانعان بولاتىن.
بولات نازارباەۆقا قانت ديابەتى مەن بۇيرەك جەتكىلىكسىزدىگى، اسقىنعان كومەي قاتەرلى ىسىگى دياگنوزى قويىلعان.
بولات نازارباەۆ 1953 جىلى 23 ناۋرىزدا الماتى وبلىسى، قاراساي اۋدانى، شامالعان اۋىلىندا دۇنيەگە كەلگەن.
ول 1997 جىلدان بەرى ول BN Invest حولدينگىن باسقارادى. 2016 جىلى «ساليقالى ۇرپاق» قوعامدىق قورىن قۇردى.
