وسىدان 125 جىل بۇرىن الاش قوزعالىسىنىڭ قايراتكەرى، ادەبيەت سىنشىسى، ابايتانۋشى ىدىرىس مۇستانباەۆ دۇنيەگە كەلدى، دەپ جازادى "ادىرنا".
1898 جىلى 8 قاراشادا شىعىس قازاقستان وبلىسى جارما اۋدانىندا دۇيەگە كەلگەن. ءتىنىباي مەدرەسەسىن، ەكى كلاستىق ورىس-قازاق ۋچيليششەسىن، سەمەي گيمنازياسىن بىتىرگەن. ورال وبلىسى، اقمولا گۋبەرنياسى پروكۋرورى جانە سىرداريا گۋبەرندىك اتقارۋ كوميتەتى توراعاسى، كازتسيك نۇسقاۋشىسى بولدى.
مۇستانباەۆ قازاقستاننىڭ ادەبي ومىرىنە بەلسەندى تۇردە قاتىسىپ، اباي، ا.بايتۇرسىنوۆ، م.جۇماباەۆتىڭ ادەبي مۇراسىن كەڭەستىك جانە يدەولوگيالىق ورگانداردىڭ شابۋىلىنان قورعادى.
ءومىرىنىڭ سوڭعى جىلدارى – كەڭەستىك، پارتيالىق جانە شارۋاشىلىق جۇمىستارمەن اينالىستى. مۇستانباەۆ جەر ماسەلەسى، اۋىلداعى تاپ كۇرەسى، بايلاردى تاركىلەۋ ماسەلەسى بويىنشا پارتيا جانە ۇكىمەت ساياساتىمەن، ولكەلىك ۇكىمەت باسشىسى ف.ي.گولوششەكيننىڭ ۇلتتىق ساياساتىمەن كەلىسپەۋىنە قاراي بىرنەشە رەت «سادۋاقاسوۆشىل» دەگەن ايىپپەن پارتيا قاتارىنان شىعارىلدى.
الماتى وبلىسى ۋنكۆد ۇشتىگىنىڭ قاۋلىسىمەن 1937 ج. 16 قاراشادا «انتيسوۆەتتىك ۇلتتىق تەررورلىق جانە شپيوندىق ۇيىمعا قاتىسقانى ءۇشىن» اتۋ جازاسىنا كەسىلدى.
