بۇگىن - الاش قوزعالىسىنىڭ قايراتكەرى، تۇركىستان ولكەسى حالىقتارىنىڭ ازاتتىق كۇرەسى جەتەكشىلەرىنىڭ ءبىرى، پۋبليتسيست مۇستافا شوقايدىڭ تۋعانىناا 134 جىل.
مۇستافا شوقاي – بۇكىل تۇركى الەمىنىڭ تاريحي تۇلعاسىنا اينالعان ءبىرتۋار ازامات. الاش پارتياسىندا بولدى، تۇركىستان اۆتونومياسىنىڭ باسىندا تۇردى. 21 جىل ەۋروپادا ەميگراتسيادا ءجۇرىپ، قازاقتىڭ بوستاندىعى ءۇشىن كۇرەسكەن تۇلعا.
ول 24 جاسىندا-اق مۇسىلمان فراكتسياسىنىڭ حاتشىسى اتاندى. ويتكەنى، 1916 جىلى ءاليحان بوكەيحانۇلى مۇستافانى رەسەيدىڭ IV مەملەكەتتىك دۋماسى مۇسىلمان فراكتسياسىنىڭ بيۋروسىنا حاتشىلىققا ۇسىندى.
1918 جىلدان كەيىن تۋعان جەردەن جىراق كەتسە دە، مۇستافا شوقاي ءتۇبى ءبىر تۇركى ەلدەرىنىڭ مۇددەسىن بارىنەن جوعارى قويا ءبىلدى.
«مۇستافا وزىنە ءاليحان بوكەيحان، مىرجاقىپ دۋلات، احمەت بايتۇرسىن سىندى قازاق زيالىلارىن ۇستاز تۇتتى. قايدا جۇرسە دە، ەلىنىڭ مۇددەسىن ۇمىتقان جوق. ءبىز ونى سونىسىمەن-اق قادىرلەۋگە ءتيىسپىز»، دەيدى جازۋشى، تاريحشى بەيبىت قويشىباەۆ.
ايتا كەتەيىك، بۇعان دەيىن مۇستافا شوقايدىڭ فرانتسۋز تىلىندە جازعان ماقالالارىن ىرىكتەپ، جيناق ەتىپ شىعارعان تۇركياداعى قازاق عالىمى، دوكتور ابدىۋاقاپ قارامەن سۇحباتتى جاريالاعان ەدىك.
