Bügın - Alaş qozǧalysynyŋ qairatkerı, Türkıstan ölkesı halyqtarynyŋ azattyq küresı jetekşılerınıŋ bırı, publisist Mūstafa Şoqaidyŋ tuǧanynaa 134 jyl.
Mūstafa Şoqai – bükıl türkı älemınıŋ tarihi tūlǧasyna ainalǧan bırtuar azamat. Alaş partiiasynda boldy, Türkıstan avtonomiiasynyŋ basynda tūrdy. 21 jyl Europada emigrasiiada jürıp, qazaqtyŋ bostandyǧy üşın küresken tūlǧa.
Ol 24 jasynda-aq Mūsylman fraksiiasynyŋ hatşysy atandy. Öitkenı, 1916 jyly Älihan Bökeihanūly Mūstafany Reseidıŋ IV memlekettık dumasy mūsylman fraksiiasynyŋ biurosyna hatşylyqqa ūsyndy.
1918 jyldan keiın tuǧan jerden jyraq ketse de, Mūstafa Şoqai tübı bır türkı elderınıŋ müddesın bärınen joǧary qoia bıldı.
«Mūstafa özıne Älihan Bökeihan, Mırjaqyp Dulat, Ahmet Baitūrsyn syndy qazaq ziialylaryn ūstaz tūtty. Qaida jürse de, elınıŋ müddesın ūmytqan joq. Bız ony sonysymen-aq qadırleuge tiıspız», deidı jazuşy, tarihşy Beibıt Qoişybaev.
Aita keteiık, būǧan deiın Mūstafa Şoqaidyŋ fransuz tılınde jazǧan maqalalaryn ırıktep, jinaq etıp şyǧarǧan Türkiiadaǧy qazaq ǧalymy, doktor Äbdıuaqap Qaramen sūhbatty jariialaǧan edık.
