ساحاراداعى بۇۇ ميسسياسىنا اسكەري باقىلاۋشىسىنا قازاقستان رەسپۋبليكاسى قارۋلى كۇشتەرىنىڭ وفيتسەرى مايور دانا جاماليەۆا جىبەرىلدى. بۇل تۋرالى قورعانىس مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
قورعانىس مينيسترلىگىنىڭ مالىمەتىنشە، اسكەري قىزمەتشى قازاقستاندا جانە شەتەلدە بۇۇ-نىڭ اسكەري باقىلاۋشىلاردى دايارلاۋ كۋرسىنا ىرىكتەلىپ، وقۋدان ءساتتى ءوتتى.
بۇۇ-نىڭ بەيبىتشىلىك پەن قاۋىپسىزدىكتى قولداۋ جونىندەگى ميسسياسىنا جىبەرىلگەن دانا جاماليەۆا – قر قارۋلى كۇشتەرىنىڭ جەتىنشى ايەل-اسكەري قىزمەتشىسى.
قازاقستاننىڭ قورعانىس ۆەدومستۆوسى بۇل جۇمىستى بۇۇ قاۋىپسىزدىك كەڭەسىنىڭ 1325 (2000) "ايەلدەر. بەيبىتشىلىك. قاۋىپسىزدىك" قۇجاتىن باسشىلىققا الا وتىرىپ ورىندايدى. حالىقارالىق قۇجاتتا اسكەري قىزمەتشى ايەلدەردىڭ ۇيىمنىڭ ميسسيالارىنا قاتىسۋىن ارتتىرۋ تۋرالى ۇسىنىس بار، - دەلىنگەن حابارلامادا.
