ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ قىز زورلادى دەپ كۇدىككە ىلىنگەن تالدىقورعان پوليتسيا باسقارماسىنىڭ باسشىسىنىڭ ىسىنە قاتىستى سۇراققا جاۋاپ بەردى. بۇل تۋرالى ءمينيستردىڭ ورىنباسارى سەنات كۋلۋارىندا ايتتى، دەپ حابارلايدى “ادىرنا” ۇلتتىق پورتالى.
قوجاەۆ بۇل جايت بويىنشا تەكسەرىس جۇرگىزىلگەنىن اتاپ ءوتتى.
كەشە جەتىسۋ وبلىسىنىڭ پوليتسيا باسشىلارىنا قاتىستى شەشىم جاريالاندى. بۇل وقيعا بويىنشا ۇيات جاعداي انىقتالدى. ونى مويىنداۋ كەرەك. كۇدىكتى پوليتسەيدىڭ ويىندا نە جۇرگەنىن بىلە المايمىز. وسىعان دەيىن تەكسەرىستەن تالاي وتكەن بولاتىن، ياعني ءبىرازدان بەرى قىزمەتتە جۇرگەن ادام. بىراق وسىنداي تەرىس ارەكەتى انىقتالىپ جاتىر. ونىڭ جاۋاپكەرشىلىگى تەرگەۋ امالدارى مەن سوت شەشىمى ناتيجەسىندە انىقتالادى، - دەدى ءمينيستردىڭ ورىنباسارى سەنات كۋلۋارىندا.
