پوليتسيا ينسپەكتورلارىنىڭ زاڭدى تالابىنا باعىنباي، قارسىلىق تانىتقان كولىك جۇرگىزۋشىسى قاماۋعا الىندى، دەپ حابارلايدى «ادىرنا» ۇلتتىق پورتالى.
پوليتسيا قىزمەتكەرلەرىنىڭ مالىمەتىنشە، كەشە ساعات 11:45 شاماسىندا اتىراۋ – ورال تاسجولىنىڭ 183-شاقىرىمىندا DALMLERCHR SLER اۆتوكولىگىنىڭ جىلدامدىق اسىرعانى انىقتالعان. الايدا اتالعان كولىك جۇرگىزۋشىسى پاترۋلدىك پوليتسيا ينسپەكتورلارىنىڭ زاڭدى تالابىنا باعىنباي، سالدارىنان يندەربور كەنتىنەن قىزمەتتىك كولىكتەردىڭ الدىن بوگەۋىمەن توقتاتىلعان. كولىك توقتاتىلعان سوڭ دا جۇرگىزۋشى كولىكتەن تۇسپەستەن قاشىپ قۇتىلماق بولىپ پاترۋلدىك پوليتسيا ينسپەكتورىنىڭ وڭ اياعىن باسىپ كەتىپ، جول بويىنداعى بىرنەشە اۆتوكولىككە اۆاريالىق جاعداي تۋدىرىپ ءجۇرىپ وتكەن. زاڭدى تالاپقا باعىنباعان جۇرگىزۋشى كولىگىنىڭ دوڭگەلەگىنە ەكى مارتە جانە ەسكەرتۋ ماقساتىندا اسپانعا ەكى رەت وق اتىلدى.
اتالعان كولىك تاس جول بويىنان توقتاتىلىپ، ۇستالدى. 1989جىلى تۋعان جۇرگىزۋشى مەديتسينالىق ساراپتامادان وتكىزىلىپ، ونىڭ ماس كۇيدە ەمەس ەكەندىگى انىقتالدى. ول كولىكتىڭ وزىنىكى ەمەس ەكەندىگىن ايتىپ اقتالعان.
جۇرگىزۋشىگە قاتىستى قر اقبتك-ءنىڭ 592-بابى 2 بولىگىمەن، 601-بابى 1 بولىگىمەن، 606-بابى 1 بولىگىمەن، 613-بابى 1 بولىگىمەن حاتتاما تولتىرىلدى. سونداي-اق، قر قىلمىستىق كودەكسىنىڭ 380-بابى 3 بولىگىمەن، ياعني بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتتەرى بويىنشا قىلمىستىق ءىس تىركەلىپ، كۇدىكتى قاماۋعا الىندى، – دەلىنگەن حابارلامادا.
«ادىرنا» ۇلتتىق پورتالى
