2023 جىلعى 17 قاراشادا استانا قالاسىندا وتكەن جاھاندىق ينۆەستيتسيالار جونىندەگى VI قازاقستاندىق دوڭگەلەك ۇستەل اياسىندا ءوزارا ىنتىماقتاستىق تۋرالى ماڭىزدى مەموراندۋمدارعا قول قويىلدى.
الەمدىك بيزنەستىڭ جانە قارجى سەكتورىنىڭ وكىلدەرىن جيناعان ءىس-شاراعا قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ قاتىستى.
شىمكەنت قالاسىنىڭ اكىمدىگى تاراپىنان قالا اكىمىنىڭ ورىنباسارى ايدىن كارىموۆ جالپى سوماسى 662 ملن اقش دوللارعا ەكى شەتەلدىك كومپانيامەن مەموراندۋمعا قول قويدى.
ءبىرىنشىسى، تۇركيانىڭ ءىرى كومپانياسى «Alarko Holding» قالا اۋماعىندا جاڭا فورماتتاعى جىلىجاي كەشەنىن سالۋ. 650 ملن اقش دوللار سوماسسىنا جۇزەگە اسىرىلاتىن ينۆەستيتسيالىق جوبا كەزەڭ-كەزەڭمەن جالپى 500 گا اۋماقتا 5 مىڭ جاڭا جۇمىس ورنىن قۇرۋدى، جاڭا تەحنولوگيالاردى ەنگىزۋ ارقىلى ازىق-تۇلىك قاۋىپسىزدىگى مەن جىلىجاي بيزنەسىن دامىتۋعا ىقپال ەتەدى.
ەكىنشىسى، «IŞIKLAR PACKAGING Ltd.» تۇرىك كومپانياسى «كرافت-رولل» قاعازىن شىعاراتىن زاۋىتىن سالۋ. جوبانىڭ قۇنى 12 ميلليون اقش دوللارىن قۇرايدى.
ەكى جوبا دا تۇراقتى وڭىرلىك وسۋگە، ينۆەستيتسيالار تارتىپ، قالا ەكونوميكاسىنىڭ دامۋىنا جانە حالىقارالىق ىنتىماقتاستىقتى نىعايتۋعا ىقپال ەتەدى.
شىمكەنت قالاسى اكىمىنىڭ ءباسپاسوز قىزمەتى
