2024 جىلدىڭ ءبىرىنشى توقسانىندا سۇيىتىلعان مۇناي گازىنىڭ 1 ءليترى شامامەن 5 تەڭگەگە كوتەرىلمەك. بۇل تۋرالى ەنەرگەتيكا ۆيتسە-ءمينيسترى الىبەك جاماۋوۆ ايتتى، دەپ حابارلايدى “ادىرنا” ۇلتتىق پورتالى.
«ەنەرگەتيكا مينيسترلىگى گاز باعاسىن بىرتىندەپ كوتەرۋدى كوزدەيدى. 2024 جىلدىڭ ءبىرىنشى توقسانىندا سۇيىتىلعان مۇناي گازىنىڭ 1 ءليترى شامامەن 5 تەڭگەگە كوتەرىلەدى دەپ كۇتەمىز. ودان كەيىن الداعى 3 جىلدىڭ ىشىندە گاز باعاسى ءار 6 اي سايىن قىمباتتاپ وتىرماق»،- دەدى الىبەك جاماۋوۆ.
سونداي-اق، ول گاز تاپشىلىعى تۋىنداۋى مۇمكىن ەكەنىن ايتادى.
«بۇگىندە رەسپۋبليكادا ايىنا 135 مىڭ توننا سۇيىتىلعان مۇناي گازى وندىرىلەدى. تۇتىنۋ مۇنان كوپ. سوعان بايلانىستى تاپشىلىق تۋىندايدى. اۆتوموبيل يەلەرىنىڭ كوپشىلىگى سۇيىتىلعان مۇناي گازىنا اۋىسىپ جاتقانىن بىلەمىز. گاز بالونىن ورناتۋ رەتتەلمەيدى»، - دەدى ول باق وكىلدەرىنە ارنالعان بريفينگتە.
ونىڭ اتاپ وتۋىنشە، ءوندىرىس تۇتىنۋ كولەمىن قامتاماسىز ەتە الماي وتىر.
«سوندىقتان دا بىرقاتار شارا قابىلدادىق. تەڭىزشەۆرويلمەن ىشكى نارىققا اي سايىن 10 مىڭ توننا گاز جەتكىزۋگە ۋاعدالاستىق. 13 قاراشادا سۇيىتىلعان مۇناي گازىنىڭ ەكسپورتىنا تولىق شەكتەۋ ەنگىزدىك. كازروسگاز كومپانياسىمەن ورىنبور مۇناي وڭدەۋ زاۋىتىنان سۇيىتىلعان مۇناي گازىنىڭ قوسىمشا كولەمىن باعىتتاۋ تۋرالى كەلىستىك. قازىرگى ۋاقىتتا تاپشىلىق بايقالمايدى»، - دەدى ۆيتسە-مينيستر.
ايتا كەتەيىك، شىلدە ايىنداعى دەرەك بويىنشا، قازاقستاندا اۆتوگازدىڭ بولشەك ساۋدا باعاسى ليترىنە 80 تەڭگەدەن تومەن، ال اي-92/93 ءۇشىن شەكتى بولشەك ساۋدا باعاسى 205 تەڭگە، ال ديزەل وتىنى جەرگىلىكتى جۇرگىزۋشىلەر ءۇشىن ليترىنە 295 تەڭگە (شەتەلدىك جۇرگىزۋشىلەر ءۇشىن - ءليترى 450 تەڭگە) .
