اقىرى، ارمەنيا پرەمەر-ءمينيسترى نيكول پاشينيان ۇجىمدىق قاۋىپسىزدىك شارت ۇيىمىنىڭ (ۇقشۇ) بۇگىنگى سامميتىنە قاتىسپايتىن بولدى. وعان وكىنىش بىلدىرگەن كرەمل ارمەنيانىڭ بۇل جيىنعا ەكسپەرتتەر دەڭگەيىندە بولسا دا قاتىسۋىنا مۇددەلى. بۇل تۋرالى URA.RU اگەنتتىگىنىڭ ساۋالىنا جاۋاپ بەرگەن رەسەي پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى، دەپ حابارلايدى “ادىرنا” ۇلتتىق پورتالى.
«ارينە، ارمەنيانىڭ بۇل سامميتكە قاتىسپاعانىنا وكىنىش بىلدىرەمىن. ساراپشىلىق دەڭگەيدە قاتىسۋ بولادى دەپ ۇمىتتەنەمىز. ءبىز ارمەنيانىڭ ۇقشۇ اياسىنداعى جۇمىسىن جالعاستىرادى دەپ كۇتەمىز»، - دەدى پەسكوۆ.
23 قاراشادا مينسكىدە ۇقشۇ ءسامميتى وتەدى. رەسەي اتىنان پرەزيدەنت ۆلاديمير پۋتين قاتىسادى. ورتالىق ازيادان تاجىكستان مەن قىرعىزستاننىڭ باسشىلارى جيىنعا باسقالاردان بۇرىن جەتىپ الدى.
ايتا كەتەيىك، بۇگىن قازاقستاندىق ساياساتكەر يمانعالي تاسماعامبەتوۆ ۇجىمدىق قاۋىپسىزدىك شارت ۇيىمىنىڭ باس حاتشىسى بولىپ تاعايىندالعانىنا ءبىر جىل تولدى.
ول ۇقشۇ-نىڭ 2022 جىلعى 23 قاراشاداعى شەشىمىمەن ول ءۇش جىلدىق مەرزىمگە (2023 جىلعى 1 قاڭتاردان 2025 جىلعى 31 جەلتوقسانعا دەيىن) ۇجىمدىق قاۋىپسىزدىك شارتى ۇيىمىنىڭ باس حاتشىسى لاۋازىمىنا تاعايىندالعان ەدى.
