جۋرناليست، مەديا-ساراپشى ديانا وكرەموۆا رەسپۋبليكانىڭ اقپاراتتىق ەگەمەندىگىنە بايلانىستى ءسوز قوزعادى، دەپ حابارلايدى "ادىرنا" ءتىلشىسى Ulysmedia.kz-كە سىلتەپ.
ساراپشى "مەديا قۇرىلتايدا" ەسەپ كوميتەتى جاساعان قورىتىندىعا توقتالدى.
ء"بىز رەسەيلىك ارنالارعا وزىمىزدە حابار تاراتقانى ءۇشىن اقشا تولەيمىز. ال ءبىز ول جاقتا حابار تاراتقانىمىز ءۇشىن رەسەيگە تولەيمىز. حابار تاراتاتىن باعدارلامالار بەلگىلى ءبىر سوماعا بيۋدجەت قاراجاتىن پايدالانىپ، رەسەيلىك قوعامنىڭ پروبلەمالارىن كورسەتەدى", - دەدى ديانا وكرەموۆا.
ونىڭ سوزىنشە، قازاقستاننىڭ مەملەكەتتىك اقپاراتتىق ساياساتى قاي ايماقتا جۇرگىزىلەتىنى دە ۇلكەن ساۋال تۋدىرادى.
ء"بىز 52 ملرد تەڭگەدەن استام قاراجات جۇمسايمىز. 48,5 ميلليارد – بۇل مەملەكەتتىك تاپسىرما. ياعني، بۇل كەپىلدەندىرىلگەن تولەمدەرمەن اقشا الاتىن مەملەكەتتىك باق. جەكە باق تۋرالى ايتساق، بۇل سوما بەلگىسىز، ويتكەنى مينيسترلىك ونى ءالى كۇنگە دەيىن جاسىرىن ۇستايدى. سونىمەن قاتار، ايماقتار بويىنشا مەملەكەتتىك اقپاراتقا تاپسىرىستى قوسىڭىز. مەنىڭ ويىمشا، ول تاعى 5 ملرد تەڭگەنى قۇرايدى", – دەپ ەسەپتەدى ديانا وكرەموۆا.
ديانا وكرەموۆانىڭ ايتۋىنشا جىل سايىنعى مەملەكەتتىك اقپاراتتىق ساياسات ءۇشىن قازاقستاندىقتار 60 ملرد تەڭگە جۇمسايدى.
