ارنايى پروكۋرورلار «الماتى-حوستەل» عيماراتىنداعى ءورت وقيعاسى بويىنشا قىلمىستىق ءىستى تەرگەۋگە كىرىستى. بۇل تۋرالى باس پروكۋراتۋرانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قازىرگى تاڭدا عيماراتتاعى ءورت وقيعاسىنا بايلانىستى قىلمىستىق كودەكستىڭ 292-بابىنىڭ 3-بولىگىمەن سوتقا دەيىنگى تەرگەپ-تەكسەرۋ باستالدى.
«قۇقىق قورعاۋ ورگاندارىنىڭ تاجىريبەلى قىزمەتكەرلەرىنەن ۆەدومستۆوارالىق جەدەل-تەرگەۋ توبى قۇرىلدى. ءورتتىڭ شىعۋ سەبەبى مەن العىشارتتارىن انىقتاۋ ماقساتىندا وقيعا ورنىنا قاراپ-تەكسەرۋ جۇرگىزىلىپ، ساراپتامالار تاعايىندالىپ، وزگە دە جەدەل-تەرگەۋ ءىس شارالارى ۇيىمداستىرىلۋدا. سول كۇنى وسى قىلمىستى جاسادى دەگەن كۇدىكپەن حوستەلدى جالعا بەرۋشى مۋحامەدياروۆ ا. پروكۋرورلارمەن ۇستالىپ، ۋاقىتشا ۇستاۋ يزولياتورىنا وقشاۋلاندىرىلدى»،—دەلىنگەن حابارلامادا.تەرگەۋ اياسىندا حوستەلدىڭ قىزمەت كورسەتۋىنە قاتىسى بولعان بارلىق تۇلعالاردىڭ ارەكەتىنە قۇقىقتىق باعا بەرىلەدى. ايتا كەتەيىك،قىلمىستىق ءىس تەرگەۋى باس پروكۋروردىڭ باقىلاۋىندا.
ۇقساس جاڭالىقتار
