Arnaıy prokýrorlar «Almaty-Hostel» ǵımaratyndaǵy órt oqıǵasy boıynsha qylmystyq isti tergeýge kiristi. Bul týraly Bas prokýratýranyń baspasóz qyzmeti aıtty, dep habarlaıdy «Adyrna» tilshisi.
Qazirgi tańda ǵımarattaǵy órt oqıǵasyna baılanysty Qylmystyq kodekstiń 292-babynyń 3-bóligimen sotqa deıingi tergep-tekserý bastaldy.
«Quqyq qorǵaý organdarynyń tájirıbeli qyzmetkerlerinen vedomstvoaralyq jedel-tergeý toby quryldy. Órttiń shyǵý sebebi men alǵysharttaryn anyqtaý maqsatynda oqıǵa ornyna qarap-tekserý júrgizilip, saraptamalar taǵaıyndalyp, ózge de jedel-tergeý is sharalary uıymdastyrylýda. Sol kúni osy qylmysty jasady degen kúdikpen hosteldi jalǵa berýshi Mýhamedıarov A. prokýrorlarmen ustalyp, ýaqytsha ustaý ızolıatoryna oqshaýlandyryldy»,—delingen habarlamada.
Tergeý aıasynda hosteldiń qyzmet kórsetýine qatysy bolǵan barlyq tulǵalardyń áreketine quqyqtyq baǵa beriledi.
Aıta keteıik,qylmystyq is tergeýi Bas Prokýrordyń baqylaýynda.
