قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ اقتوبە وبلىسى بويىنشا دەپارتامەنتىنىڭ «قيالى» شەكارا زاستاۆاسىندا كەلىسىمشارت بويىنشا اسكەري قىزمەتشى ەكەۋارا جانجالدىڭ سالدارىنان ارىپتەسىنە قارۋدان وق اتقان. ەر ادام العان جاراقاتىنان جەدەل جاردەم كولىگىندە قايتىس بولدى. بۇل تۋرالى اقتوبە گارنيزونىنىڭ اسكەري پروكۋرورى مالىمدەدى، دەپ حابارلايدى “ادىرنا” ۇلتتىق پورتالى
رولان جانىسباەۆتىڭ ايتۋىنشا، قازىر اسكەري تەرگەۋ باسقارماسىنىڭ قىزمەتكەرلەرى بولعان وقيعانىڭ ءمان-جايىن انىقتاۋدا.
قاقتىعىستىڭ ناقتى نەدەن تۋىنداعانى، اسكەري قىزمەتكەرلەردىڭ جاسى نەشەدە، ولاردىڭ وتباسىلىق جاعدايى، قىزمەت وتكەرگەن ۋاقىتى، بۇل دەرەكتەردىڭ بارلىعى تەرگەۋ مۇددەسىنە جاريا ەتىلمەيدى. بەلگىلى بولعانداي، ەكى اسكەري قىزمەتكەر دە كەلىسىم-شارت بويىنشا جۇمىس ىستەگەن، ەكەۋى دە اقتوبە وبلىسىنىڭ تۋماسى.
سوتقا دەيىنگى تەرگەۋ باستالدى. قىلمىستىق ءىس بويىنشا كۇدىكتى قاماۋعا الىندى.
