1 جەلتوقساندا بەرلين قالاسىندا قازاقستاننىڭ گەرمانياداعى ەلشىلىگى مەن نەمىس-قازاق قوعامىنىڭ ۇيىمداستىرۋىمەن «Wostok» باسپاسى شىعارعان «مۇستافا شوقاي: "ۇلت بوستاندىعى - ۇلتتىق رۋحتىڭ ناتيجەسى" اتتى نەمىس تىلىندەگى كىتاپتىڭ تۇساۋ كەسەرى ءوتتى. بۇل تۋرالى «شوقايتانۋ» عىلىمي ورتالىعىنىڭ جەتەكشىسى ساعات تايمان Facebook پاراقشاسىندپ جاريالادى، دەپ حابارلايدى “ادىرنا” ۇلتتىق پورتالى.
كىتاپتا قورقىت اتا اتىنداعى قىزىلوردا ۋنيۆەرسيتەتى "مۇستافا شوقاي" عىلىمي ورتالىعىنان الىنعان ماتەريالدار نەگىزىندە تۇركىستاننىڭ ازاتتىعى ءۇشىن كۇرەسكەن قايراتكەر تۋرالى مول ماعلۇماتتار قامتىلعان. سونداي-اق جيناققا باقىت سادىقوۆانىڭ «مۇستافا شوقاي» جانە ماريا شوقايدىڭ «مەنىڭ مۇستافام» اتتى ەڭبەكتەرى ەنگەن.
تۇساۋكەسەردى نەمىس-قازاق قوعامىنىڭ توراعاسى توماس حەلم اشتى. بۇدان كەيىن وسى ءىس-شارادا ارنايى شاقىرىلعان "مۇستافا شوقاي" عىلىمي ورتالىعىنىڭ عىلىمي جەتەكشىسى، ساياسي عىلىمدارىنىڭ دوكتورى، پروفەسسور ءا.ق.باكىر ءدارىس وقىدى.
جيىندا سونىمەن بىرگە دوكتور بيرگيت براۋەر جانە اۋدارماشى، «Wostok» باسپاسىنىڭ قىزمەتكەرى بريتتا ۆوللەنۆەبەر سويلەدى.
تۇساۋكەسەردەن سوڭ جينالعاندار مۇستافا شوقاي جەرلەنگەن مۇسىلماندار بەيىتىنە سوعىپ، گۇل شوقتارىن قويدى. قايراتكەر رۋحىنا باعىشتالىپ قۇران وقىلدى.
قازاقستان رەسپۋبليكاسىنىڭ گەرمانياداعى ەلشىلىگى مۇستافا اتامىزدىڭ بەيىتىن جوندەۋدەن وتكىزىپتى. كەزىندە ماريا شوقاي ورناتقان ەسكەرتكىشتى تۇتاس گرانيت پليتامەن جاۋىپ، وقىلۋى قيىنداپ كەتكەن جازۋلار التىن تۇستەس بوياۋمەن جاڭارتىلىپتى.
