الماتىدا مەتروپوليتەننىڭ ءۇشىنشى كەزەگىنىڭ قۇرىلىسى اياسىندا 2025 جىلى «قالقامان» مەترو ستانتسياسى سالىنادى. ول جولاۋشىلار سانىن تاۋلىگىنە 20 مىڭ ادامعا ارتتىرادى. بۇل تۋرالى الماتى قالاسى اكىمىنىڭ ورىنباسارى اسقار ءامرين ايتتى، دەپ حابارلايدى «ادىرنا» ءتىلشىسى.
اكىمنىڭ ورىنباسارى 2030 جىلعا دەيىن «بارلىق» بازارىنا دەيىن تاعى ءۇش ستانتسيا سالۋ جوسپارلانىپ وتىرعانىن اتاپ ءوتتى.
«الداعى ۋاقىتتا «باتىس» اۆتوۆوكزالى، LRT جانە مەتروپوليتەن ستانتسيالارى كىرەتىن ءىرى مۋلتيمودالدى كولىك تورابى قۇرىلادى. ۇزىندىعى 3,1 شاقىرىم بولاتىن «سارىارقا» جانە «باۋىرجان مومىشۇلى» ستانتسيالارى ىسكە قوسىلسا دا، كۇن سايىن جولاۋشىلار اعىنى ارتۋدا»،—دەدى ول.
سونداي-اق اسقار ءامرين بۇگىندە حالىقتىڭ تىعىزدىعىن ەسكەرە وتىرىپ، كولىك قۇرىلىمى ازىرلەنىپ جاتقانىن ءمالىم ەتتى.
