Almatyda metropolıtenniń úshinshi kezeginiń qurylysy aıasynda 2025 jyly «Qalqaman» metro stanııasy salynady. Ol jolaýshylar sanyn táýligine 20 myń adamǵa arttyrady. Bul týraly Almaty qalasy ákiminiń orynbasary Asqar Ámrın aıtty, dep habarlaıdy «Adyrna» tilshisi.
Ákimniń orynbasary 2030 jylǵa deıin «Barlyq» bazaryna deıin taǵy úsh stanııa salý josparlanyp otyrǵanyn atap ótti.
«Aldaǵy ýaqytta «Batys» avtovokzaly, LRT jáne metropolıten stanııalary kiretin iri mýltımodaldy kólik toraby qurylady. Uzyndyǵy 3,1 shaqyrym bolatyn «Saryarqa» jáne «Baýyrjan Momyshuly» stanııalary iske qosylsa da, kún saıyn jolaýshylar aǵyny artýda»,—dedi ol.
Sondaı-aq Asqar Ámrın búginde halyqtyń tyǵyzdyǵyn eskere otyryp, kólik qurylymy ázirlenip jatqanyn málim etti.
