قازاقستان ازاماتى كامەرۋننان ەكستراديتسيالاندى

سالىق تولەۋدەن جالتاردى دەگەن كۇدىككە ىلىنگەن قازاقستان ازاماتى كامەرۋننان ەكستراديتسيالاندى، دەپ حابارلايدى «ادىرنا» ۇلتتىق پورتالى باس پروكۋراتۋراعا سىلتەمە جاساپ.

ءىىم باس پروكۋراتۋراسى مەن ينتەرپول قىزمەتكەرلەرىمەن ءسىم مەن قر كامەرۋنداعى قۇرمەتتى كونسۋلىنىڭ كومەگىمەن قازاقستان ازاماتى ەكستراديتسيالاندى. ول 2017-2019 جىلدارى جالعان شوت-فاكتۋرالار ارقىلى 720 ميلليون تەڭگەدەن استام سالىق تولەۋدەن جالتارعان دەگەن كۇدىككە ءىلىندى. قىلمىس جاساعاننان كەيىن كۇدىكتى تەرگەۋدەن قاشىپ، حالىقارالىق ىزدەۋگە جاريالانعان. ماۋسىم ايىندا ول كامەرۋن اۋماعىندا ۇستالدى، وسىعان بايلانىستى باس پروكۋراتۋرا ونى ەكستراديتسيالاۋ تۋرالى ءوتىنىش جىبەردى، ونى قازاقستان مەن كامەرۋن اراسىندا ەكستراديتسيالاۋ تۋرالى كەلىسىمنىڭ جوقتىعىنا قاراماستان، كامەرۋن تاراپى قاناعاتتاندىردى. قازىرگى ۋاقىتتا كۇدىكتى استاناداعى ۋاقىتشا ۇستاۋ يزولياتورىنا قامالدى. مۇنداي قىلمىستاردى جاساعانى ءۇشىن كىنالىلەردى 5 جىلدان 8 جىلعا دەيىن باس بوستاندىعىنان ايىرۋ جازاسى كۇتىپ تۇر.

«ادىرنا» ۇلتتىق پورتالى