ەسىك قالاسىندا ساۋدا ورتالىعى ورتكە وراندى، دەپ حابارلايدى "ادىرنا" ۇلتتىق پورتالى.
انىقتالعانداي بيلبوردتار، جيھاز ساتاتىن ساۋدا ءۇيى جانە "سو سكلادا" ازىق-تۇلىك دۇكەنى پاۆيلوندارى ورتەنگەن. قىزىل جالىن "پاسساج" ساۋدا ءۇيىنىڭ شاتىرىنا، ودان ءارى "شامشات" ساۋدا ۇيىنە ۇلاسقان. تجد ءورتتىڭ وقشاۋلانعانىن ايتتى.
وقيعا ورنىنا العاشقى بولىپ جەتكەن ءورت ءسوندىرۋ بولىمشەلەرى ساعات 03:40-تا "پاسساج" ساۋدا ءۇيىنىڭ پاۆيلوندارى، دۇكەندەرى مەن شاتىرى وتقا ورانۋ فاكتىسىن تىركەدى. سونىمەن قاتار، جاقىن ماڭداعى بولىمشەلەردىڭ كۇشتەرى مەن قۇرالدارى شاقىرتۋ بويىنشا وقيعا ورنىنا تارتىلدى. ءورتتىڭ ۇلكەن اۋماققا تارالۋىنىڭ سەبەبى - ءورت تۋرالى حاباردىڭ كەش بەرىلۋى. قابىلدانعان شارالاردىڭ ارقاسىندا ساعات 06:20-دا ءورت وقشاۋلانىپ، ساعات 07:40-تا تولىقتاي جويىلدى. ءورتتىڭ جالپى اۋدانى 1958 شارشى مەتردى قۇرادى، - دەدى الماتى وبلىسى تجد ءباسپاسوز قىزمەتى.
قۇرباندار مەن زارداپ شەككەندەر جوق.
ءورتتىڭ سەبەبىن انىقتاۋ ءۇشىن الماتى وبلىسى تجد انىقتاۋ ءبولىمىنىڭ جانە سىناق ءورت زەرتحاناسىنىڭ باستىقتارى وقيعا ورنىندا بولدى. قىزىل جالىندا الاۋىزدىقتاۋعا تجد-نىڭ 34 قىزمەتكەرى مەن 11 تەحنيكاسى، جول پاترۋلدىك قىزمەتىنىڭ 6 قىزمەتكەرى، 3 تەحنيكاسى جانە جەدەل مەديتسينالىق جاردەم بريگاداسىنىڭ 2 تەحنيكاسى جۇمىلدىرىلدى.
