Esik qalasynda saýda ortalyǵy órtke orandy, dep habarlaıdy "Adyrna" ulttyq portaly.
Anyqtalǵandaı bılbordtar, jıhaz satatyn saýda úıi jáne "So sklada" azyq-túlik dúkeni pavılondary órtengen. Qyzyl jalyn "Passaj" saýda úıiniń shatyryna, odan ári "Shamshat" saýda úıine ulasqan. TJD órttiń oqshaýlanǵanyn aıtty.
Oqıǵa ornyna alǵashqy bolyp jetken órt sóndirý bólimsheleri saǵat 03:40-ta "Passaj" saýda úıiniń pavılondary, dúkenderi men shatyry otqa oraný faktisin tirkedi. Sonymen qatar, jaqyn mańdaǵy bólimshelerdiń kúshteri men quraldary shaqyrtý boıynsha oqıǵa ornyna tartyldy. Órttiń úlken aýmaqqa taralýynyń sebebi - órt týraly habardyń kesh berilýi. Qabyldanǵan sharalardyń arqasynda saǵat 06:20-da órt oqshaýlanyp, saǵat 07:40-ta tolyqtaı joıyldy. Órttiń jalpy aýdany 1958 sharshy metrdi qurady, - dedi Almaty oblysy TJD baspasóz qyzmeti.
Qurbandar men zardap shekkender joq.
Órttiń sebebin anyqtaý úshin Almaty oblysy TJD anyqtaý bóliminiń jáne synaq órt zerthanasynyń bastyqtary oqıǵa ornynda boldy. Qyzyl jalynda alaýyzdyqtaýǵa TJD-nyń 34 qyzmetkeri men 11 tehnıkasy, jol patrýldik qyzmetiniń 6 qyzmetkeri, 3 tehnıkasy jáne jedel medıınalyq járdem brıgadasynyń 2 tehnıkasy jumyldyryldy.
