25 qarashada Aqmola oblysynda turǵyn úı órtenip, úsh kishkentaı bala qaza tapty, dep habarlaıdy "Adyrna" tilshisi Halyq únine siltep.
Aqmola oblysynyń elınograd aýdanyndaǵy Rahymjan Qoshqarbaev aýylynda úı órtenip, úsh kishkentaı bala kóz jumdy.
Órt sóndirýshiler qyzyl jalynnan 2 jasar ul men 6 jastaǵy qyz balanyń máıitin alyp shyqty. Keıin úıindi astynan taǵy 1 balanyń máıiti tabyldy.
Órtengen úıden tek 6 aılyq sábı aman qalǵan. Náreste jedel járdem qyzmetkerlerine tapsyryldy.
Aqmola oblysynyń órt sóndirýshilerine órtti sóndirýge arnaıy eki kólikpen kelgen 12 adamnan turatyn astanalyq qutqarýshylar kómektesken.
Ázirge quzyrly organ tarapynan ózge málimetter taraǵan joq.
