Qazaqstan Prezidentı Aqmola oblysyna jasaǧan saparynda Arqalyq aimaǧyna biyl mındettı türde baratynyn aitty, dep habarlaidy “Adyrna” ūlttyq portaly.
Būl turaly Ruslan Jeldıbai paraqşasynda jazdy.
“Amandyq bolsa, biyl Qostanai oblysyna mındettı türde baramyn. Josparymda bar. Joldauymda Qostanai oblysyn arnaiy atap öttım. Torǧai jerıne basa nazar audaru kerek dep aittym. Arqalyqqa biyl mındettı türde baramyn. Kezınde uäde berdım, ony oryndaityn kezeŋ keldı”, – dedı memleket basşysy.
Prezidenttıŋ būl şeşımı qoǧam tarapynan oŋ qabyldandy. Mäjılıs deputaty Qazybek İsa būl sapardyŋ Torǧai öŋırı üşın erekşe maŋyzy bar ekenın atap öttı. Onyŋ aituynşa, Alaş arystary Ahmet Baitūrsynūly men Mırjaqyp Dulatūlynyŋ, sondai-aq tūŋǧyş qazaq aǧartuşysy Ybyrai Altynsarinnıŋ elıne Prezidenttıŋ at basyn būruy – halyq üşın köpten kütken jaŋalyq.
“Būl sapar Arqalyq öŋırınıŋ ruhani serpılısıne, sondai-aq äleumettık-ekonomikalyq jaǧdaiynyŋ jaqsaruyna yqpal etedı”, – dedı Qazybek İsa.
