Balqaşta bes qabatty üidıŋ bır bölıgı opyrylyp tüstı. Būl turaly qala äkımdıgınıŋ baspasöz qyzmetı jazdy, dep habarlaidy «Adyrna» tılşısı.
Oqiǧa 19 aqpan künı saǧat şamamen 08:10-da bolǧan.
«Qaramende bi köşesı, 10 mekenjaiynda ornalasqan tūrǧyn üidıŋ būryn apatty dep tanylyp, būzuǧa jatqyzylǧan, qazırgı uaqytta paidalanylmaityn (tūrǧyn emes) kıreberısınıŋ bır bölıgı qūlady. Atalǧan kıreberıste eşkım tūrmaǧan. Zardap şekkender joq»,- delıngen habarlamada.
Äkımdık mälımetınşe, 2025 jyly körsetılgen kıreberıs Qazaqstan Respublikasynyŋ zaŋnamasyna säikes jürgızılgen tehnikalyq qorytyndy men qūrylys saraptamasynyŋ negızınde apatty dep tanylǧan. 5-kıreberıstıŋ tūrǧyndary aldyn ala qonys audaryp, päterlerı tūruǧa jaramsyz dep tanylǧandyqtan, zaŋda belgılengen tärtıppen tūrǧyn üige mūqtaj azamattar retınde esepke qoiylǧan.
Alaida oqiǧa ornynan taraǧan videoda "apatty" üidıŋ qorşauǧa alynbaǧany baiqalady. Ǧimarat ülken köşenıŋ boiynda ornalasqan.
«Qūlau sätınde qaza bolǧandar men zardap şekkender tırkelgen joq. Ǧimarat qorşauǧa alynyp, kıruge şekteu qoiyldy, injenerlık kommunikasiialar (elektr, jylu, su jüielerı) belgılengen tärtıppen ajyratyldy. Qazırgı uaqytta qūrylys jäne önerkäsıptık qauıpsızdık talaptaryn saqtai otyryp, 5-kıreberıstı demontajdau jūmystary jürgızılude.
Demontaj jūmystary aiaqtalǧannan keiın qalǧan 4 kıreberıste qosymşa tehnikalyq tekseru jäne qūrylys saraptamasy jürgızıledı. Aldaǧy uaqytta qalǧan kıreberıster konstruksiialaryn küşeitu boiynşa jūmystardy jürgızuge arnalǧan jobalyq-smetalyq qūjattama belgılengen tärtıppen äzırlenetın bolady»,-dep tolyqtyrdy äkımdık.
