قوستانايدا قوناقۇي ورتەنىپ، سالدارىنان ءبىر ايەل قازا تاپتى، دەپ حابارلايدى «ادىرنا» ۇلتتىق پورتالى «قوستاناي جاڭالىقتارى» باسىلىمىنا سىلتەمە جاساپ.
30 جەلتوقساندا درۋجبا اۋىلىندا ەكىقاباتتى «جىبەك جولى» قوناقۇيىنىڭ عيماراتىندا ءورت شىقتى. ءورت تۋرالى حابار قۇتقارۋ قىزمەتىنە ساعات 11:00-دە تۇسكەن.
«ءورت عيماراتتىڭ شاتىرىن، ەكىنشى قاباتىن جانە ءىشىنارا ءبىرىنشى قاباتىن شارپىدى، الدىن الا ءورت 900 شارشى مەتر اۋماقتىڭ 450 شارشى مەترىن قۇرادى. ايتا كەتەيىك، ءورت كەزىندە عيمارات پايدالانىلماعان»، - دەپ حابارلايدى باسىلىم.
ءورت ءسوندىرىلدى. وقيعا ورنىنا قۇتقارۋ قىزمەتتەرى، توتەنشە جاعدايلار دەپارتامەنتىنىڭ قىزمەتكەرلەرى مەن 13 بىرلىك تەحنيكا، پوليتسيا دەپارتامەنتىنىڭ قىزمەتكەرلەرى مەن 4 تەحنيكا، سونداي-اق جەرگىلىكتى اتقارۋشى ورگانداردىڭ قىزمەتكەرلەرى مەن تەحنيكا بىرلىگى شىقتى.
«وكىنىشكە قاراي، ءورتتى ءسوندىرۋ كەزىندە ايەلدىڭ ءمايىتى تابىلدى. وقيعانىڭ ءمان-جايى انىقتالۋدا، ءورتتىڭ شىعۋ سەبەپتەرى جان-جاقتى تەكسەرىلەتىن بولادى»، - دەلىنگەن وبلىستىق توتەنشە جاعدايلار دەپارتامەنتىنىڭ حابارلاماسىندا.
ءورت وشاعىنان ەڭ جاقىن ەلدى مەكەنگە دەيىنگى قاشىقتىق 11 شاقىرىمدى قۇرايدى. وقيعا فاكتىسى بويىنشا تەرگەۋ تاعايىندالىپ، تەرگەۋ امالدارى جۇرگىزىلۋدە.
«ادىرنا» ۇلتتىق پورتالى
