Qostanaıda qonaqúı órtenip, saldarynan bir áıel qaza tapty, dep habarlaıdy «Adyrna» ulttyq portaly «Qostanaı jańalyqtary» basylymyna silteme jasap.
30 jeltoqsanda Drýjba aýylynda ekiqabatty «Jibek joly» qonaqúıiniń ǵımaratynda órt shyqty. Órt týraly habar qutqarý qyzmetine saǵat 11:00-de túsken.
«Órt ǵımarattyń shatyryn, ekinshi qabatyn jáne ishinara birinshi qabatyn sharpydy, aldyn ala órt 900 sharshy metr aýmaqtyń 450 sharshy metrin qurady. Aıta keteıik, órt kezinde ǵımarat paıdalanylmaǵan», - dep habarlaıdy basylym.
Órt sóndirildi. Oqıǵa ornyna qutqarý qyzmetteri, Tótenshe jaǵdaılar departamentiniń qyzmetkerleri men 13 birlik tehnıka, Polıııa departamentiniń qyzmetkerleri men 4 tehnıka, sondaı-aq jergilikti atqarýshy organdardyń qyzmetkerleri men tehnıka birligi shyqty.
«Ókinishke qaraı, órtti sóndirý kezinde áıeldiń máıiti tabyldy. Oqıǵanyń mán-jaıy anyqtalýda, órttiń shyǵý sebepteri jan-jaqty tekseriletin bolady», - delingen oblystyq tótenshe jaǵdaılar departamentiniń habarlamasynda.
Órt oshaǵynan eń jaqyn eldi mekenge deıingi qashyqtyq 11 shaqyrymdy quraıdy. Oqıǵa faktisi boıynsha tergeý taǵaıyndalyp, tergeý amaldary júrgizilýde.
«Adyrna» ulttyq portaly
