مەملەكەت باسشىسىنىڭ اۋىلدىق جەرلەردە ءوز جۇمىسكەرلەرى ءۇشىن تۇرعىن ءۇي سالۋعا جۇمىس بەرۋشىلەردىڭ شىعىستارىن وتەۋگە قاتىستى تاپسىرماسىن ورىنداۋ ماقساتىندا قازاقستان رەسپۋبليكاسى ونەركاسىپ جانە قۇرىلىس مينيسترلىگى سۋبسيديالاۋدىڭ ءتيىستى قاعيدالارىن ازىرلەپ، بەكىتتى، دەپ حابارلايدى "ادىرنا" ۇلتتىق پورتالى دەپارتامەنتتىڭ ءباسپاسوز قىزمەتىنە سىلتەمە جاساپ.
ەرەجەلەرگە سايكەس اۋىلدا، كەنتتە نەمەسە اۋىلدىق وكرۋگتە جالعا بەرىلەتىن تۇرعىن ءۇي سالعان جۇمىس بەرۋشىلەر 5 ميلليون تەڭگەگە دەيىنگى مولشەردە مەملەكەتتىك سۋبسيديالاۋ الا الادى. بۇل قارجى 75-تەن 100 شارشى مەترگە دەيىنگى تۇرعىن ءۇي قۇرىلىسىنىڭ شىعىندارىن جابادى.
وسى ەرەجەلەر 2024 جىلعى 15 قاڭتارىنان باستاپ كۇشىنە ەنەدى.
سۋبسيديا الۋ ءۇشىن جۇمىس بەرۋشىلەر قىزمەتكەرمەن 5 جىلعا ەڭبەك شارتىن جاساسۋى، سونداي-اق پايدالانۋعا بەرىلگەن تۇرعىن ۇيگە اۋىرتپالىقتاردىڭ بولماۋىن قامتاماسىز ەتۋى قاجەت.
"ادىرنا" ۇلتتىق پورتالى
