ايتىسكەر اقىن قازىرەت بەردىحان ءوزىنىڭ الەۋمەتتىك جەلىدەگى پاراقشاسىندا ءجۇرسىن ەرماننىڭ جاعدايى تۋرالى حاباردار ەتتى، - دەپ جازادى “ادىرنا” ۇلتتىق پورتالى.
ونىڭ سوزىنشە، ءجۇرسىن ەرمان ءبىر جىلدان اسا ۋاقىت وتىرعان ارباسىنان تۇرعان.
"بۇگىن ەرەكشە قۋانىشتى كۇن بولدى. ادەتتەگىدەي ءجۇرسىن اعامىزدى دارىگەرىنە اپارۋعا ۇيىنە باردىم. سويتسەم، كوكەمىز ەسىك الدىنا شىعىپ كۇتىپ تۇر. ارباسى جوق. قولىندا تاياعى عانا. قۋانىپ كەتتىم. سول اربانىڭ سەرىك بولعانىنا ءبىر جىلدان اسىپ ەدى. اقىرى كەرەگى بولماي قالدى. اياققا تۇردى، ەلدىڭ باتاسى قابىل بولدى دەگەن وسى شىعار! بۇيىرسا وسى فوتوتداعىداي ورتامىزدا كۇلىپ ءجۇرىۋدى ءناسىپ ەتسىن!!!" - دەپ جازدى ايتىسكەر قازىرەت بەردىحان.
جەلى قولدانۋشىلارى بۇل جاڭالىققا قۋانىپ، ءجۇرسىن ەرمانعا اماندىق تىلەدى.
"جاقسى جاڭالىق ەكەن", "قازەكە قۇداي قۋات بەرسىن ءار ەكەۋىڭىزگە دە!!!", "اللاعا شۇكىر! كوكەمىز ءتىل-كوزدەن امان بولسىن!", "اللاعا مىڭ دا ءبىر شۇكىر، اللا قۋات بەرسىن، اعا! امان بولىڭىز!", "پاح، شىركىن! قازەكە باۋىرىم ءبىر قۋانتتىڭ! جاراتقان جار بولسىن قازاقتىڭ جۇرسىنىنە", - دەپ جازدى ولار.
