Aitysker aqyn Qazyret Berdıhan özınıŋ äleumettık jelıdegı paraqşasynda Jürsın Ermannyŋ jaǧdaiy turaly habardar ettı, - dep jazady “Adyrna” ūlttyq portaly.
Onyŋ sözınşe, Jürsın Erman bır jyldan asa uaqyt otyrǧan arbasynan tūrǧan.
"Bügın erekşe quanyşty kün boldy. Ädettegıdei Jürsın aǧamyzdy därıgerıne aparuǧa üiıne bardym. Söitsem, kökemız esık aldyna şyǧyp kütıp tūr. Arbasy joq. Qolynda taiaǧy ǧana. Quanyp kettım. Sol arbanyŋ serık bolǧanyna bır jyldan asyp edı. Aqyry keregı bolmai qaldy. Aiaqqa tūrdy, eldıŋ batasy qabyl boldy degen osy şyǧar! Būiyrsa osy fototdaǧydai ortamyzda külıp jürıudı näsıp etsın!!!" - dep jazdy aitysker Qazyret Berdıhan.
Jelı qoldanuşylary būl jaŋalyqqa quanyp, Jürsın Ermanǧa amandyq tıledı.
"Jaqsy jaŋalyq eken", "Qazeke qūdai quat bersın är ekeuıŋızge de!!!", "Allaǧa şükır! Kökemız tıl-közden aman bolsyn!", "Allaǧa myŋ da bır şükır, Alla quat bersın, Aǧa! Aman bolyŋyz!", "Pah, şırkın! Qazeke bauyrym bır quanttyŋ! Jaratqan jar bolsyn Qazaqtyŋ Jürsınıne", - dep jazdy olar.
Ūqsas jaŋalyqtar
