Bırneşe kün būryn 73 jasqa tolǧan aqyn, qazırgı aitys önerınıŋ ūiymdastyruşysy, Qazaqstannyŋ eŋbek sıŋırgen qairatkerı bıraz uaqyttan berı tösek tartyp, syrqattanyp qalǧan bolatyn. Qazırge kezde aqynnyŋ jaǧdaiy jaqsy, dep habarlaidy “Adyrna” ūlttyq portaly.
Būl turasynda aqyn “Taŋşolpan” baǧdarlamasynda aityp berdı. Onyŋ aituynşa, būl dert – müşel jasynyŋ synaǧy. "Qazaqtyŋ müşel deitın yrymy bar ǧoi, maǧan sol ainymai keledı de tūrady. 13 jasymda ne bolǧanyn bılmeimın, bıraq 25 jasymda bır qoişynyŋ üiınde attyŋ üstınde otyrǧan jerımnen qūtyrǧan it qapty. 37 müşelımde qolymdy syndyryp aldym, 49 müşelımde şeşemdı alyp kettı. 61 jasymda auru ainaldyra bastady. Osydan aman-esen şyǧyp ketsem, taǧy bıraz jüre tūratyn şyǧarmyn dep oilaimyn. Tuǧan künde uaiym basady, ömır zaulap ötıp bara jatyr ǧoi. Tuǧan kün toilaityn bala emespın, otbasylyq mereke. Jan-jaqtan kelınderım, tuystarym kelıp, qūttyqtap jatyr. Ekı-üş jyldan berı auyryp, arbaǧa taŋylyp edım. Qazır eptep aiaqqa tūrdym. Soǧan quanyp jatyr”, – dep aqyn öz jaǧdaiy turaly aitty. Sondai-aq ol sauyǧyp ketuın halyqtyŋ tılegı jäne aqjarqyn nietımen bailanystyrdy. Onyŋ aituynşa, dertıne şipa bolǧan därını bır kelınşek “tüsımde aian berdı” dep äkelıp bergen körınedı. “Astana men Almatydan bölek şetelde de em aldym. Ony halyq jaqsy bıledı. Bır qyzyǧy, Almatynyŋ ırgesınde kürıştıŋ qauyzynan kapsula jasaityn zauyt bar eken. Qaraqat degen direktory toǧyz jyldan berı osy därını jasap şyǧarady. Bır künı maǧan habarlasyp, “Tüsımde myna därıŋdı Jürsın Ermanǧa aparyp ber” dep aitty deidı. Maǧan äkelıp berdı. Sony ışkelı qan qysymym tüsıp, qan qūramynan qant azaiyp, aiaǧymdy basyp qaldym. Alysqa bara almasam da, taiaǧyma süienıp, eptep jüremın. Bır jaǧy oilaimyn, qanşama adam maǧan tılekşı bop, saulyǧymdy sūrap jatyr. Sonyŋ da bır äserı bolǧan şyǧar”, – Qanşa halyq maǧan tılektes bolyp, saulyǧymdy tıledı. Sonyŋ da bır äserı tigen şyǧar dep oilaimyn", - dedı Jürsın Erman.“Adyrna” ūlttyq portaly
Ūqsas jaŋalyqtar
